Tais pe ferovie Udin - Cividât

14.02.2006 I tais tal belanç decidûts dal Guvier talian pal 2006 a àn puartât a sbassâ dal 40% i bêçs pe ferovie Udin – Cividât. La comunicazion e rive dal assessôr regjonâl pai traspuarts, Lodovico Sonego, daspò des verifichis fatis alì dal ministeri pes infrastruturis. In dì di vuê, la gjestion di cheste linie e ven curade de Regjon par mieç de societât FUC su la fonde di un sisteme di transizion che al previôt che il Stât al ledi dilunc a paiâ i coscj fintremai che Guvier e Regjon no firmaran l’acuardi pal passaç des risorsis par gjestî cheste trate feroviarie. Il tai dal 40% dai fonts al vûl dî che di Avost indenant no si varan plui bêçs par fâ viazâ mieçs su la Udin – Cividât – al à dite Sonego – che al domande al Guvier di intervignî daurman par impedî che il servizi si fermi.