08.08.08 Il Centri Friûl Lenghe 2000, cul jutori finanziari de ARLeF e de Regjon, al à publicât di la version inzornade dal Grant Dizionari Bilengâl Talian Furlan (te version par Windows, Linux e Mac OS X Tiger) che si pues discjariâ dal sît
www.cfl2000.net o ritirât su supuart cd, sore nuie, te sede de Agjenzie Regjonâl pe Lenghe Furlane, in Place XX di Setembar, a Udin (tel. 0432.555804/5; direzion eletroniche: arlef@regione.fvg.it). Il GDBTF, program che dal 1999 i lavore un grup di esperts cun competencis diversificadis, al è un imprest impuartanton par chei che a lavorin cu la lenghe furlane tes scuelis o in altris struturis publichis, par ducj chei che a vuelin cjapâle sù e inviâsi a une corete alfabetizazion o miorâ lis lor competencis. La presentazion uficiâl de gnove version dal GDBTF compagnade des indicazions su cemût otignî dal program lis prestazions miôr si davuelzarà a Udin ai 26 di Setembar inte suaze de Zornade Europeane des Lenghis.
