04.06.2008 La centrâl nucleâr di Krško, in Slovenia, e je stade fermade par capî cualis che a son lis resons di une pierdite tal circuit di disfredament dal implant. Si trate di une azion preventive par permeti al personâl di capî lis causis dal vuast e di comedâlu, e à spiegât la direzion de centrâl. La Comission europeane e à dât l’alarm daspò de 5 e mieze di vuê dopodimisdì, daspò che de Slovenie e jere rivade la comunicazion dal vuast. Dut câs, sei lis fonts slovenis che chês europeanis a sigurin che no si à vude nissune fughe radioative e che no si à nissun pericul ni pal ambient, ni pes personis. In ogni câs, lis struturis de Comission europeane che a viodin di chest stamp di emergjencis a restaran in ativitât fintremai che no si varà vût informazions siguris che a confermin che la situazion e je dal dut sot control. L’implant di Krško, che al è a mancul di 150 km dal Friûl, al ven disfrutât in comun di Slovenie e Cravuazie.
