E torne lenghis minoritariis, media, emigrazion

12.03.2008 Vinars ai 14 di Març, a tacâ de une tal daspomisdì (ore furlane), si davuelzarà a Colonia Caroya, in Argjentine, la seconde cunvigne dedicade a “Lenghis minoritariis, media, emigrazion” inmaneade de Comunitât Culinâr dal Friûl cu la colaborazion de Regjon Friûl Vignesie Julie. L'apontament al sarà trasmetût in videoconference su www.friul.tv e in direte radiofoniche su Radio Onde Furlane (che e trasmet sui 90.00/90.20 FM Friûl, e sui 96.60 FM te zone di Colonia Caroya e che si pues scoltâ ancje in streaming di chest sît). Cun di plui, pe cunvigne si pues poiâsi ancje sul blog vierzût di pueste. La emigrazion e fâs part de storie di tantis comunitâts di lenghe minoritarie e ancje di chê furlane, là che l'ûs de lenghe native tra i emigrâts al à ancjemò une vore vîf, ancje se si à svilupât in maniere divierse daûr des tieris là che a son a stâ. L'argoment “lenghis minoritariis, media, emigrazion” al jere stât al centri di une cunvigne che si veve davuelte vie pal 2007 a Colorêt di Montalban cun chê di rifleti su cemût che i gnûfs mieçs di comunicazion a puedin valorizâ i leams tra regjons di divignince e comunitâts emigradis, massime pe condivision des esperiencis. Chest secont apuntament che si davuelzarà in Argjentine al vûl puartâ la riflession su la necessitât di une comunicazion ative no dome in direzion des comunitât emigradis, ma ancje tra di lôr e cu la tiere di divignince. Chi disot si presente il program complet de zornade.

Program

10.00 hora argentina /13.00 ore furlane
Salûts des autoritâts:
Prof. Rodolfo Visintin (Sindic di Colonia Caroya)
Lorenzo Cozianin (President de Comunitât Culinâr dal Friûl)
Santiago Lauret (Bodega La Caroyense S.A.- Colonia Caroya)

10.30 hora argentina /13.30 ore furlane
Cent e trente agns de fondazion di Colonia Caroya: par cure di Nicolás Viel - Luis Grión

11.00 hora argentina /14.00 ore furlane
Sergio Boezio (President Centro Friulano Colonia Caroya)
Silvia Visintin (Vicepresident ALEF Colonia Caroya)

11.30 hora argentina /14.30 ore furlane
Paolo Menis (conseîr regjonâl FVJ)
Claudio Violino (conseîr regjonâl FVJ)
Robert Pontisso (Canada)
Giorgio Cadorini (Republiche Ceche)
Luche Melchior (Gjermanie)
Claudio Roya (Radio FM Comunicar, Colonia Caroya)

14.00 hora argentina /17.00 ore furlane
Elvio Ruffino (President ALEF FVJ)
Luca Peresson (President Centri Friûl Lenghe 2000)
Giorgio Santuz (President Ente Friuli nel Mondo FVJ)
Renzo Matelic (Diretôr Union Emigrants Slovens FVJ)

15.30 hora argentina /18.30 ore furlane
Mauro Sabbadini (Ricercjadôr, Buenos Aires)
Michele Bernardon (Vice President Comunitât Montane dal Friûl Ocidentâl)
Sandri Carrozzo (President de Serling)
José Maria Casas Moral (President Casal Català, Córdoba)

17.00 hora argentina /20.00 ore furlane
Debate y conclusiones de / Dibatit e conclusions di Marco Stolfo
(Diretôr Servizi identitâts linguistichis e coregjonâi tal forest de Regjon FVJ)