 21.07.09 Radio Onde Furlane e à cambiât muse. Almancul su internet. Cun di fat, za di cualchi timp al è in linie il sît gnûf de nestre emitente, baste lâ su la direzion: www.ondefurlane.eu . A mancjin ancjemò un pôcs di contignûts, ma za cussì il sît, in plui dal streaming, al ufrìs la pussibilitâts di scoltâ un pocjis des trasmissions di Onde Furlane e di vê informazions su lis novitâts de Radio, sul so palinsest, su la redazion e sui colaboradôrs. Plui indenant a saran disponibii ancje altris servizis.... continue
 23.05.2009 La Cort Costituzionâl, cu la sentence 159/2009, e à declarât ilegjitim cualchidun dai comis che a formin la leç regjonâl 29/07 su la lenghe furlane aprovade tal Dicembar dal 2007, intant de aministrazion Illy. Ta cheste maniere e à fatis buinis cuasi dutis lis domandis rivadis dal guvier Prodi che al veve decidût la strade de impugnazion de leç regjonâl.
A jessi declarâts no legjitims a son i passaçs che a previodin l'insegnament de lenghe furlane par almancul une ore a setemane, ma ancje la modalitât sugjeride de leç... continue
 15.05.2009 Pauli Cantarut al è il gnûf president di Informazion Furlane, la societât cooperative che e gjestìs Radio Onde Furlane. In plui di jessi impegnât di agns in cetantis iniziativis culturâls, editoriâls e musicâls furlanis, Cantarut al rapresente une des vôs plui cognossudis de emitente di vie Volturno, e al veve za davuelt incarghis aministrativis dentri de cooperative. La decision e je saltade fûr daspò de ultime assemblee dai socis de cooperative.... continue
 03.04.2009 Si jere just ai 3 di Avrîl dal 1077 cuant che l'imperadôr Indrì IV al ricognosseve al patriarcje di Aquilee Siart il podê civîl, in plui di chel religjôs, sul Friûl. Cheste date e ven duncje calcolade di nassite dal stât patriarcjin furlan, che al restarà indipendent fintremai il 1420. A sburtâ par che cheste date e deventàs un moment di cussience par ducj i furlans al jere stât pre Checo Placerean intai agns Setante. E nas in chê volte la fieste de Patrie dal Friûl che, za di cualchi an,... continue
 04.03.2009 Tal daspomisdì di îr il Consei di Aministrazion de ARLeF – la Agjenzie Regjonâl pe Lenghe Furlane – al à nomenât il gnûf Comitât Tecnic Sientific, ven a dî l'orghin che al viôt di meti jù i plans regjonâi di politiche linguistiche e il program anuâl des ativitâts de ARLeF, ma ancje di valutâ i progjets fats indenant di aministrazions publichis o di altris sogjets istituzionâi. I siet membris a son stâts sielzûts daûr dai setôrs di competence: pe planificazion linguistiche a son stâts nomenâts Donato Toffoli e Piera Rizzolati; pe... continue
 25.02.2009 Ai 27 di Fevrâr e torne su Radio Onde Furlane la Zornade Furlane dai Dirits, in memorie dal riviel sclopât in Friûl la Joibe Grasse dal 1511 cuant che lis comunitâts rurâls furlanis si jevarin in armis par difindi i lôr dirits.
Ta cheste zornade si propon duncje programazion speciâl cun chê di stiçâ la riflession sui dirits dai furlans e su lis bataiis inviadis par difindiju. Dut câs si cirarà di fâ il pont sul stât dai dirits linguistics e nazionâi ancje di altris comunitâts minorizadis tant che slovens e... continue
 16.02.2009 Di martars ai 17 fintremai sabide ai 21 di Fevrâr ae mieze (12.30) a laran in onde lis cinc pontadis de trasmission radiofoniche "Storie di Giulia". Si trate di une lungje interviste fate a Rosina Cantoni, la partigjane Gjulie (Giulia), di Pauli Cantarut vie pal 2007. La vôs di Gjulie, che nus à lassât cualchi setemane indaûr, e compagnarà i scoltadôrs pai fats che a àn segnât la sô vite e che a son po chei fats che a àn segnât la storie dal Friûl (e no dome) tal Nûfcent: la... continue
 11.02.2009 E varès di rivâ al plui dentri di doi mês la sentence de Cort Costituzionâl su la legjitimitât costituzionâl dai ponts de gnove leç regjonâl su la lenghe furlane (29/2007) che a son stâts impugnâts dal Guvier talian. La prime udience sul argoment si è davuelte tal daspomisdì di îr e a difindi lis resons de Regjon al jere l'avocat Giandomenico Falcon. Il mandât di resisti denant de Cort al jere rivât ancjemò de aministrazion vuidade di Riccardo Illy. La sentence e varès di contribuî a fissâ i limits di competence... continue
 10.02.2009 E je in calendari par vuê, alì de Cort Costituzionâl, la partence dal esam dai ponts de gnove leç regjonâl su la lenghe furlane che a jerin stât impugnâts dal Guvier talian cuasi un an indaûr. Plui in detai, a jessi stâts contestâts a son: l'articul 6, come 2; l'articul 8, comis 1 e 3; l'articul 9, come 3; l'articul 11, come 5; l'articul 12 come 3; l'articul 14 comis 2 e 3; e l'articul 18, come 4. In pratiche, si trate di articui che a regolin la pussibilitât di doprâ... continue
 09.12.2008 Miercus ai 10 di Dicembar, a 6 sot sere, a Udin alì de sale cunvignis de Fondazion Crup, al ven presentât “Cemût si scrivial? Dizionari ortografic talian/furlan-furlan/talian”, curât di Alessandro Carrozzo e publicât des cooperativis Serling e Informazion Furlane. Il gnûf dizionari, che al à passe un miâr di pagjinis, al ufrìs 38.800 jentradis dal talian al furlan e 42.000 dal furlan al talian e al dopre la grafie uficiâl ricognossude de Regjon Friûl-Vignesie Julie. Par chel che al rivuarde il furlan, e ven doprade la varietât di riferiment (standard) e... continue
 24.11.2008 Ancje chest an al torne l'apontament cun “Musiche - Pe gnove musiche furlane”, la manifestazion inmaneade dal Comun di Udin par promovi lis miôr produzions musicâls in lenghe furlane. La iniziative si davuelzarà vinars ai 28 e sabide ai 29 di Novembar alì dal teatri Palamostre di Udin (a tacâ des 9 di sere). Ancje chest an, Musiche e cjaparà dentri il Premi Friûl, concors nassût par sburtâ grups e musiciscj gnûfs che a cjantin par furlan che al è rivât bielzà ae vincjesime seste edizion.
Vinars Musiche e proponarà... continue
 30.10.2008 La Universitât dal Friûl e à celebrât vuê i siei 30 agns di vite cuntune cerimonie che si è davuelte alì de aule magne di plaçâl Kolbe, là che si à ancje dât la lauree ad honorem al ex arcivescul di Udin, Alfredo Battisti. La cerimonie e je stade segnade de proteste dai students che, tal plaçâl denant de aule magne, a àn cjantât slogans cuintri dai tais decidûts dal guvier talian pes universitâts. “Trentenâl o funerâl?” Al domandave un dai strissons metûts fûr dai students. E la retore Cristiana Compagno,... continue
 29.10.2008 La 29e edizion dal premi leterari Sant Simon – il plui impuartant par chel che al rivuarde lis oparis in lenghe furlane – si è sierade cence nissun vincidôr. La jurie – formade dal sindic di Codroip Vittorino Boem e dai scritôrs Franca Mainardis, Mario Turello, Carlo Tolazzi, Aldo Colonnello e Giacomo Vit – e à, di fat, decidût di no assegnâ il premi a nissun dai cinc romançs o racueltis di contis presentâts. Si à vude, invezit, une segnalazion pe racuelte di contis presentade di Paolo Monte. No je dut... continue
 15.10.2008 Dai 16 ai 18 di Otubar si davuelç a Luleå, inte Laponie svedese, il Liet Lavlut Culture Festival, manifestazion dedicade ae culture des comunitâts minorizadis de Europe. L'apontament centrâl dal festival, dut câs, al è chel che si davuelç sabide ai 18 di Otubar cu la finâl dal concors musicâl che al viôt confrontâsi grups e cjantants che a rivin di diviersis comunitâts minorizadis europeanis, ancje dal Friûl. A rapresentâlu a son i Carnicats che a varan di confrontâsi cun grups che a rivin dal Gales, de Bretagne, des Asturiis, de... continue
 09.10.2008 Vinars ai 10 di Otubar, a 5 e mieze sot sere, alì dal auditorium dal gnûf palaç de Regjon a Udin (vie Sabbadini), si presente in maniere uficiâl la gnove version su cd dal Grant Dizionari Bilengâl Talian Furlan metude adun dal Centri Friûl Lenghe 2000. La iniziative e viôt la presince dal assessôr regjonâl pe culture Roberto Molinaro, de retore de Universitât dal Friûl Cristiana Compagno, dal president de ARLeF Lorenzo Fabbro, e dai rapresentants dal CFL2000 e des realtâts istituzionâls e associativis che indi fasin part. Ta chê... continue
 25.09.2008 La partence de edizion 2008 di Cormôr Salvadi – manifestazion inmaneade dal circul Il Cantîr di Mortean che e rapresente une sorte di vitrine su la creativitât artistiche in lenghe furlane – chest an e cole juste inte Zornade europeane des lenghis (26 di Setembar) e un pôc dut il so program al zire ator de promozion dal plurilinguisim e de comprension interculturâl. La serade di vierzidure (si tache a 9 sore sere) e ufrìs i concierts dal grup ocitan “Sam Karpienia”, dal musicist furlan Loris Vescovo (che al presente in... continue
 19.09.2008 Il 2008 al è stât proclamât de Assemblee gjenerâl de ONU tant che an internazionâl des lenghis cun chê di sburtâ ducj i siei membris a promovi e a difindi dutis lis lenghis, massime chês minorizadis o in pericul. A coordenâ lis ativitâts leadis a chest acjadiment e je la UNESCO che e à segnalât un pôcs di progjets ator pal mont che ben si insuazin tal spirt di cheste iniziative. Inte liste dai progjets segnalâts (in dut mancul di dusinte) al è ancje Sgarfefurlans, fat di Informazione Friulana... continue
 16.09.08 Si è davuelte îr la assemblee gjenerâl de Confindustrie udinese che e à puartât inte capitâl furlane diviersis personalitâts dal mont economic e politic di nivel regjonâl, statâl e internazionâl. Il front politic al à viodût, tra i altris, la partecipazion dal ministri talian pai forescj Franco Frattini, dal president de Regjon Renzo Tondo, dai assessôrs regjonâi Riccardi, Lenna, Molinaro, Violino e De Anna, dal president de Provincie e dal sindic di Udin, Pietro Fontanini e Furio Honsell. Ae assemblee e à partecipât ancje la presidente taliane de Confindustrie, Emma Marcegaglia,... continue
 07.09.08 A tachin lunis lis presentazions ator pal Friûl di une publicazion che e met adun materiâi par un cors di lenghe furlane par students di etât adulte. Si trate di “Lenghe. Cors di Furlan” di Stefania Garlatti-Costa e Roberta Melchior, publicât dal Consorzi Universitari dal Friûl. Il materiâl al è pensât par podê jessi doprât di personis cun abilitâts diferentis: di chei che a capissin ben il furlan, ma no lu fevelin, a chei che lu cjacarin tant che lenghe native, ma no son bogns di leilu e scrivilu. Cun di... continue
 08.08.08 Il Centri Friûl Lenghe 2000, cul jutori finanziari de ARLeF e de Regjon, al à publicât di la version inzornade dal Grant Dizionari Bilengâl Talian Furlan (te version par Windows, Linux e Mac OS X Tiger) che si pues discjariâ dal sît www.cfl2000.net o ritirât su supuart cd, sore nuie, te sede de Agjenzie Regjonâl pe Lenghe Furlane, in Place XX di Setembar, a Udin (tel. 0432.555804/5; direzion eletroniche: arlef@regione.fvg.it). Il GDBTF, program che dal 1999 i lavore un grup di esperts cun competencis diversificadis, al è un imprest impuartanton... continue
 14.07.2008 Cu la muart di Pierluigi Visintin, il mont de culture furlane al patìs un altri colp dûr. Il scritôr furlan al è muart îr, a 61 agns, intal ospedâl di Udin là che al jere stât ricoverât tes zornadis stadis. Di simpri passionât di storie e di leterature, la sô ativitât di scritôr si è centrade massime dai agns '90 incà. A tacâ dal drame teatrâl “I giorni del Cormôr” dal '91 dedicât aes lotis dai braçants de Basse furlane. La storie furlane dai agns de Resistence indenant e je stade... continue
 08.07.2008 Cun 32 vôts a pro e 4 contraris il Consei comunâl di Pordenon al à fate buine îr di sere la delibare là che si domande di jessi tirâts fûr de aree là che si metarà in vore la gnove leç regjonâl su la lenghe furlane. Il vôt al è rivât daspò di un dibatiment une vore lunc e vivarôs, là che ancje une part de maiorance e à contestât la sielte dal sindic. Dut câs, ae fin de discussion, i numars a àn palesât a clâr la volontât trasversâl di... continue
 23.06.2008 Il furlan tant che lengaç di mode, di cubiâ cul inglês e di doprâ poiantsi suntun sisteme multimediâl. A son lis liniis de gnove campagne di promozion de lenghe furlane inmaneade de ARLeF (Agjenzie Regjonâl pe Lenghe Furlane) che e je stade batiade “Furlanication” e che e je indreçade al public plui zovin. La idee e je chê di sburtâ il furlan là che fin cumò nol jere rivât, par esempli tal circuit des radios comerciâls, e di rivâ ator par dute la aree furlanofone e no dome. Cheste campagne par... continue
 17.06.2008 La Leghe Nord no si è presentade ae prime riunion de maiorance regjonâl daspò des elezions che si è davuelte îr a Udin. Cun di fat, al incuintri a àn partecipât cuasi ducj i conseîrs e i parlamentârs dal PdL de nestre regjon, ma i rapresentants leghiscj no si son fats viodi. A son diviersis robis che no capìn – e à spiegât la comissarie leghiste Manuela Del Lago – e prime di cjatâsi al è miôr sclarî dut par ben. Une des cuestions su la taule e je la deleghe... continue
 17.06.2008 Par chel che si riferìs ae leç su lenghe furlane fate buine intant de aministrazion stade par cumò no si fasaran pas indaûr, ma no si varan nancje lis espansions che la leç e previodeve. A declarâlu al è stât l'assessôr regjonâl pe culture, Roberto Molinaro, ae fin de riunion di maiorance di îr. Prime di modificâ la leç, l'esecutîf al spiete di viodi cemût che e larà la impugnazion denant de Cort Costituzionâl, ma intant no saran metûts in vore i articui dal proviodiment che a son stâts impugnâts. Pal... continue
 05.06.2008 Daspò dal alarm di îr, che al à puartât a sierâ la centrâl nucleâr di Krško in Slovenie, la Agjenzie Regjonâl Pal Ambient dal Friûl – Vignesie Julie al à davuelt doi controi (a 2 di gnot e a 7 e mieze di vuê di buinore) par viodi che no si vedi presince di radioativitât. I controi a àn interessât campions cjapâts sù tes provinciis di Udin, di Gurize e di Triest e no àn mostrât nissun element fûr dal normâl par chel che al rivuarde la radioativitât.
Inte nestre regjon,... continue
 04.06.2008 La centrâl nucleâr di Krško, in Slovenia, e je stade fermade par capî cualis che a son lis resons di une pierdite tal circuit di disfredament dal implant. Si trate di une azion preventive par permeti al personâl di capî lis causis dal vuast e di comedâlu, e à spiegât la direzion de centrâl. La Comission europeane e à dât l’alarm daspò de 5 e mieze di vuê dopodimisdì, daspò che de Slovenie e jere rivade la comunicazion dal vuast. Dut câs, sei lis fonts slovenis che chês europeanis a sigurin... continue
 12.05.2008 Si è davuelte sabide ai 10 di Mai la assemblee dai socis de societât cooperative “Informazion Furlane”, editore di Radio Onde Furlane. In plui di fâ bon il belanç, la assemblee e à votât il gnûf Consei di aministrazion là che a son dentri Giorgio Cavallo, Alessandro Ciriani, Mauro Missana, Ferdinando Passone e Carli Pup. Daspò di une lungje permanence tant che president e vicepresident de cooperative Antonio Buiani e Adriano Venturini a àn lassât, duncje, il Consei. Il CdA al à elet tant che gnûf president de cooperative Ferdinando Passone... continue
 07.05.2008 Prime riunion vuê di matine pal gnûf Consei provinciâl jessût des elezions dai 13 e 14 di Avrîl che al à scomençât la sô ativitât cu la convalide dal president de Provincie e dai conseîrs, par passâ po a elezi il so ufici di presidence. Vuê, il gnûf president, Pietro Fontanini, al à ancje presentât denant de Assemblee provinciâl i membris dal gnûf esecutîf e lis liniis programatichis de sô azion di guvier. La gnove Zonte e je formade di: Enio De Corte (UDC) pal ambient; Ottorino Faleschini (UDC) pe mont;... continue
 06.05.2008 Al cole vuê il 32esim inovâl dal taramot che tal 1976 al à fiscât in Friûl causant un miâr di muarts, miârs di ferîts e mudant a fuart la muse de nestre tiere. A son tantis lis manifestazions che si fasaran usgnot, massime tes zonis plui colpidis dal Orcolat, par memoreâ l'inovâl dai 6 di Mai. A Glemone messe a 8 di sere e po prucission fintremai tal simitieri; a Buie si partìs a 18.30 de glesie di Ursinins piçul par rivâ a 7 in Domo; a Osôf a 19.30 riunion... continue
 06.05.2008 Prime riunion, vuê di buinore, dal Consei regjonâl che al à proviodût ae elezion dal gnûf ufici di presidence. Tant che gnûf president de Assemblee al è stât elet il leghist Edouard Ballaman che al va cussì a cjapâ il puest tignût te legjislature stade di Alessandro Tesini. Come vicepresidents, invezit, a son stâts votâts Maurizio Salvador de UDC e Annamaria Menosso dal PD. Chei altris conseîrs elets tant che segretaris dal Ufici di presidence a son Antonio Pedicini (PdL), Piero Tononi (PdL), Roberto Antonaz (Çampe - Arc di S. Marc),... continue
 02.05.2008 A son stâts 13 mil, daûr dai dâts dai sindacâts, i lavoradôrs che îr a àn partecipât aes diviersis manifestazions inmaneadis di Cgil, Cisl e Uil in ocasion dal Prin di Mai. In Friûl – Vignesie Julie a son stâts cinc i lûcs che a àn dât acet aes iniziativis imbastidis dai sindacâts pe fieste dai lavoradôrs: Çarvignan, là che a àn partecipât sù par jù 3 mil personis tra lavoradôrs, pensionâts e membris dai Comitâts No Tav dal Friûl (te foto a man drete); Gardiscje dal Lusinç là che si... continue
 28.04.2008 Al è Furio Honsell il gnûf sindic di Udin. Cun di fat, il 52,76% dai citadins udinês che a son lâts a votâ tal secont turni a àn dât la lôr preference al candidât dal centri çampe. Dai 47.796 citadins che a son lâts a votâ, 24.907 a àn sielzût il candidât poiât di PD, Çampe Arc di S. Marc, “Cittadini per il sindaco”, “Italia dei Valori” e de civiche “Innovare con Honsell”. Il candidât dal centri diestre, Enzo Cainero, si è fermât 22.301 vôts (47,24%). Par chel che al rivuarde... continue
 16.04.2008 In plui di Udin a jerin altris siet i Comuns furlans che a jerin clamâts a rignuvî la lôr aministrazion.
Tachìn di Spilimberc, là che Renzo Francesconi, candidât dal PdL e de Leghe Nord, al è stât elet sindic cul 55,92% dai vôts. Luciano Rebulla poiât dal PD e de liste civiche “Tagliamento” si è fermât al 38,42% des preferencis e Elzio Fede di “Noi per voi” al 5,66%.
Pietro Del Frate, poiât des listis “Uniti per San Giorgio”, “Città futura” e “Amici per il sindaco”, al è stât... continue
  16.04.2008 Par chel che al rivuarde il Comun di Udin, si varà di spietâ ancjemò un pâr di setemanis par savê cui che al cjaparà il puest di Sergio Cecotti. Cun di fat, par decidi cui che al sarà sindic de capitâl dal Friûl, si varà un secont turni eletorâl che al viodarà il confront diret jenfri il candidât dal centri çampe Furio Honsell (te foto a man çampe), che tal prin turni al à vût il 44,23% des preferencis, e chel dal centri... continue
 16.04.2008 Sucès pe coalizion di centri diestre ancje in Provincie di Udin, là che Pietro Fontanini si impon za al prin turni cul 55,4% dai vôts. Daûr di lui al rive il candidât poiât dal centri çampe, Diego Travan, che al à vût il 39,22% des preferencis. Une vore plui lontans chei altris trê candidâts: Ernesto Pezzetta da “La Destra” al à vût il 2,1%, Marzio Strassoldo l'1,95%, e Luca Battista de “Fiamma Tricolore” l'1,34%. Par chel che al rivuarde il vôt di liste, il prin partît cul 31,68% des preferencis al... continue
 16.04.2008 Daspò jessi stade aministrade dal centri çampe par cinc agns, cumò la Regjon e torne tes mans dal centri diestre. Cun di fat, Renzo Tondo al à vinçût lis elezions regjonâls dai 13 e 14 di Avrîl cul 53,82% des preferencis. Riccardo Illy invezit al à cjapât il 46,18% dai vôts. Se o cjalìn il risultât dividûts par circoscrizions, al ven fûr che tes provinciis di Triest e di Gurize Illy al à vût la maiorance dai vôts. Te circoscrizion di Tumieç Tondo al à cjapât il 52,34% dai vôts, ma... continue
 15.04.2008 Lis elezions politichis talianis a àn puartât ae vitorie clare de coalizion di centri diestre vuidade di Silvio Berlusconi che cumò e pues contâ suntune largje maiorance sei ae Cjamare, sei al Senât. In Friûl – Vignesie Julie, in buine sostance, i dâts a van daûr di chei talians.
Par chel che al rivuarde il Senât, come che si à dite, la vitorie ancje inte nestre regjon i va ae coalizion vuidade di Silvio Berlusconi. Cun di fat, il PdL al à cjapât il 35,5% des preferencis che al va zontât... continue
 14.04.2008 Si son sieradis vuê a trê lis votazions pes elezions politichis e aministrativis che inte nestre regjon a interessavin cuasi 1 milion e 100 mil personis. In Friûl – Vignesie Julie, in plui di votâ pal Senât e pe Cjamare dai deputâts, i citadins a jerin clamâts a sielzi ancje cui che al varà di guviernâ la Regjon tai prossims cinc agns. Cun di plui, si à votât ancje pe Provincie di Udin e par vot Comuns furlans, ven a dî: Udin, Spilimberc, Çopule, Sant Zorç di Noiâr, Martignà, Sant Zorç... continue
 14.04.2008 A son tacadis vuê lis primis trasmissions radiofonichis cuotidianis in lenghe furlane previodudis de convenzion sotscrite ai 20 di Març tra la Regjon e la RAI. La sperimentazion tacade vuê e larà indenant par 24 setemanis. Si trate doi programs in dì di aprofondiment su la atualitât che a van in onde dal lunis al vinars: il prin di cinc minûts a 12.25 e il secont di un cuart di ore a 15.15.... continue
 08.04.2008 La cuestion de lenghe furlane e jere za jentrade tes zornadis stadis intal mieç de campagne eletorâl pes elezions regjonâls dal Friûl – VJ e ancje ta chês altris elezions in program ai 13 e ai 14 di Avrîl. Cumò, dut câs, il Comitât 482 – che al met adun une trentine di associazions furlanis, slovenis e todescjis dal Friûl – al à domandât a ducj i candidâts un impegn clâr sul teme dai dirits linguistics. Lu à fat cuntun document, batiât “Pai dirits linguistics in Friûl – Vignesie Julie 2008... continue
 08.04.2008 Il Comitât 482 al à presentât vuê il so sît internet gnûf pensât cun chê di promovi e di fâ cognossi lis azions dal Comitât intal cjamp de difese dai dirits linguistics des diviersis comunitâts dal Friûl. Intal sît si puedin cjatâ lis informazions su lis iniziativis, sui documents e sui comunicâts dal Comitât. Cun di plui, si pues cjatâ ancje une piçule ricuelte de normative statâl e internazionâl sui dirits des comunitâts linguistichis e nazionâls minorizadis. Il sît al permet ancje la iscrizion a une mailinglist pensade tant che... continue
 03.04.2008 Al è timp fin ai 7 di Avrîl par iscrivisi al master di secont nivel – cors di inzornament “insegnâ in lenghe furlane” inmaneât de Universitât dal Friûl cu la poie finanziarie de Agjenzie Regjonâl pe Lenghe Furlane. Il master al è stât presentât vuê, te sede universitarie di Palaç Antonini, de diretore e de codiretore, Piera Rizzolatti e Alessandra Burelli; dai presidis de facoltât di Siencis de Formazion, Franco Fabbro, e di Lenghis, Antonella Riem Natale; dal diretôr dal ’Ufici scolastic regionâl, Bruno Serravalle, e dal diretôr dal Servizi identitâts... continue
 03.04.2008 Se il sbloc dai fonts previodûts de leç statâl 482 pal 2008 si pues calcolâ di buine gnove, la situazion e mude cuant che si va a cjalâ i criteris par dividi i fonts a disposizion framieç des dodis minorancis linguistichis tuteladis de leç. Un dât negatîf che si zonte ae scjarsetât dai fonts totâi a disposizion, ven a dî 5 milions e 617 mil euros. Il Ministeri talian pai afârs regjonâi, tune circolâr mandade fûr il prin di Avrîl, al à fissât une schirie di criteris e di vincui che... continue
 02.04.2008 Tai ultins mês, daspò de aprovazion de leç finanziarie statâl, e jere cressude la preocupazion pes consecuencis dal proviodiment su la leç 482 pe tutele des minorancis linguistichis storichis. In particolâr a jerin doi i ponts che a vevin stiçât la atenzion des aministrazions publichis interessadis e dai ativiscj pai dirits linguistics, massime in Friûl. Ven a dî, di une bande il bloc dai finanziaments previodûts de leç 482 pal 2008, e di chê altre i intervents cuintri dal lavôr precari che a jentravin in contrast cu la normative sui sportei... continue
 02.04.2008 Ta cheste setemane a colin i 3 di Avrîl, zornade che si ricuarde la nassite uficiâl dal stât patriarcjin furlan e che di diviers agns si celebre tant che fieste dal Friûl. Ta chê zornade si varan diviersis iniziativis sul teritori par ricuardâ l'inovâl, ma i prins apontaments leâts ae fieste dai 3 di Avrîl a son bielzà scomençâts. La manifestazion principâl e je chê inmaneade dal Istitût Ladin Furlan “Pre Checo Placerean” a Cordovât, in colaborazion cul Comun e cu la Pro Loco de citadine dal Friûl Ocidentâl. Iniziative e... continue
 21.03.2008 Alc si môf par chel che al rivuarde la programazion in lenghe furlane dentri de radiotelevision publiche. Cun di fat, îr di sere al è stât sotscrit l'acuardi tra la Regjon e la RAI pe partence de programazion radiofoniche sperimentâl par furlan. La partence de sperimentazion e jere stade domandade cun fuarce di diviers sogjets politics e istituzionâi furlans, tant che la Universitât dal Friûl, la Arcidiocesi udinese, il Comun di Udin, il Comitât 482 e la Regjon che, rapresentade dal assessôr Roberto Antonaz, e veve vuidât diviersis delegazions jù a... continue
 14.03.2008 L'Ufici scolastic regjonâl al à comunicât i dâts su lis adesions pal insegnament de e in lenghe furlane comunicadis intant des preiscrizions pal an scolastic 2008/2009. Intes areis furlanofonis de nestre regjon lis gnovis adesions a son stadis in dut 8.970, ven a dî cuasi il 60% dal totâl, cuntune incressite lizere rispiet al an prime. Cun chestis gnovis iscrizions, il totâl dai students des scuelis dal oblic che a àn sielzût la lenghe furlane a son 29.807. A nivel provinciâl, lis adesions al furlan a passin il 70% in provincie... continue
 14.03.2008 A son cuatri lis listis e doi i candidâts ae presidence che no podaran partecipâ aes elezions regjonâls dai 13 e dai 14 di Avrîl. Cun di fat, l'ufici eletorâl centrâl dal Friûl VJ al à decidût di lassâ fûr de corse pes regjonâls lis listis: “Amici di Beppe Grillo”, “Autonomia per la nostra terra”, “Destra-Fiamma Tricolore” e “Partito Socialista”. Ta cheste maniere si à vût ancje la esclusion di doi candidâts ae presidence, ven a dî Gioacchino Basile che al coreve pai “Amici di Beppe Grillo” e Valeria Grillo de... continue
 12.03.2008 Vinars ai 14 di Març, a tacâ de une tal daspomisdì (ore furlane), si davuelzarà a Colonia Caroya, in Argjentine, la seconde cunvigne dedicade a “Lenghis minoritariis, media, emigrazion” inmaneade de Comunitât Culinâr dal Friûl cu la colaborazion de Regjon Friûl Vignesie Julie. L'apontament al sarà trasmetût in videoconference su www.friul.tv e in direte radiofoniche su Radio Onde Furlane (che e trasmet sui 90.00/90.20 FM Friûl, e sui 96.60 FM te zone di Colonia Caroya e che si pues scoltâ ancje in streaming di chest sît). Cun di plui, pe... continue
 11.03.2008 Il vôt referendari che si è davuelt domenie e îr a Sapade al à mostrât plui che a clâr la volontât dai citadins di chest Comun di passâ de Regjon Venit al Friûl VJ. Cun di fat, i sì al cambiament di Regjon a son stâts il 95,23% dai votants. A votâ a son stâts 903 citadins, ven a dî il 75,31% di chei cun dirit di vôt. Par inviâ lis proceduris par cambiâ di Regjon al conventave che almancul la metât plui un di chei che a àn dirit di... continue
 11.03.2008 Si son sierâts îr i tiermins par presentâ lis listis e i candidâts pes elezions politichis in program ai 13 e ai 14 di Avrîl. Inte nestre regjon a son 16 lis listis che si son presentadis pal Senât e 17 pe Cjamare dai deputâts. Al Senât lis listis depositadis a son chês di Sinistra Critica, Unione democratica per i consumatori, Popolo della Libertà, Per il bene comune, Movimento europeo diversamente abili, Lega Nord, Partito Democratico, Italia dei Valori-Lista Di Pietro, Sinistra Arcobaleno, La Destra-Fiamma Tricolore, Partito comunista dei Lavoratori, Partito... continue
 10.03.2008 Si son sierâts îr a misdì i tiermins par presentâ lis listis e i candidâts pes elezions regjonâls che si davuelzaran ai 13 e ai 14 di Avrîl. A son duncje cuatri i candidâts che a coraran pe presidence de Regjon e tredis lis listis che a poin la lôr candidature. In ordin alfabetic, si trate di: Gioacchino Basile pe liste “Amici di Beppe Grillo”; Valeria Grillo pe liste “Autonomia per la nostra Terra”; Riccardo Illy poiât di sîs partîts, ven a dî Partît Democratic, “Cittadini per il Presidente”, la Çampe... continue
 26.02.2008 O publichìn chi disot il test integrâl dal Comitât 482 in ocasion de Zornade Furlane dai Dirits.
Ai 27 di Fevrâr al cole l’inovâl di une date un grum impuartante pe storie furlane, chel de Joibe Grasse dal 1511, cuant che si invià il riviel plui grues inte storie dal Friûl. Si trate di un episodi che, se si lu cjale cence prejudizis, al mostre trop che lis comunitâts furlanis a vevin cussience dai lôr dirits e che par lôr a jerin prontis a lotâ e ancje a murî.... continue
 26.02.2008 Doman, miercus ai 27 di Fevrâr, inte suaze de Zornade Furlane dai Dirits, Radio Onde Furlane e porponarà une programazion dal dut speciâl. I programs normâi dal miercus no laran duncje in onde. La iniziative, che e cole tal inovâl dal riviel popolâr de Joibe Grasse dal 1511, e a chê di stiçâ la riflession sui dirits dai furlans e su lis bataiis inviadis par difindiju.
Doman di buinore, Onde Furlane e cirarà di fâ il pont sul stât dai dirits linguistics e nazionâi dai furlans, ma ancje dai slovens e... continue
 19.02.2008 Il president de Zonte regjonâl, Riccardo Illy, al à mandât îr une letare al president dal Consei dai ministris, Romano Prodi, e ae ministre pai afârs regjonâi, Linda Lanzillotta, là che al domande di vierzi daurman une taule tecniche di confront su la leç su la lenghe furlane fate buine dal Friûl VJ tal Novembar stât. Denant de impugnazion de bande dal guvier talian di diviers articui de gnove leç regjonâl, Illy al propon une soluzion concuardade par evitâ la impugnazion denant de Cort Costituzionâl. Inte sô letare, il president de... continue
 15.02.2008 Par chel che al rivuarde la nestre Regjon, la cuestion e je jentrade di pês intal ordin dal dì de riunion di Zonte di vuê di buinore. L'assessôr regjonâl Roberto Antonaz, dut câs, al veve za anticipât îr la intenzion di difindi il test denant de Cort Costituzionâl. O crôt – al à zontât Antonaz – che il Consei dai ministris al vedi fat un pas fals, nô o vin dutis lis resons juridichis e politichis par resisti ae impugnazion. Su la stesse linie ancje il president de VI Comission, Kristian... continue
 14.02.2008 Il Consei dai ministris talian al à decidût, inte riunion di vuê di buinore, di impugnâ denant de Cort costituzionâl la gnove leç su la lenghe furlane fate buine dal Consei regjonâl dal Friûl VJ intal Novembar stât. La decision e je stade cjapade su propueste dal ministri pai afârs regjonâi e pes autonomiis locâls Linda Lanzillotta (Margarite - PD, te foto a man çampe). Intal test de impugnative si pues lei che a son diviers i aspiets de leç che a son stâts contestâts dal Guvier talian. Si trate dai... continue
 13.02.2008 Îr, cu la ratifiche des dimissions dal president de Zonte, Riccardo Illy, de bande dal Consei regjonâl si à sierade la novesime legjislature de Regjon Friûl VJ. La assemblee e à cjapât at des dimissions di Illy, cence che e fos bisugne di une discussion in Aule. A chest pont, la Zonte e restarà in cjarie fintremai che nol jentrarà in vore l'esecutîf gnûf, ma dome pe ordenarie aministrazion. Il Consei regjonâl, invezit, si darà dongje inmò une volte, ma dome par ratificâ le jentrade in Consei di Ezio Beltrame al... continue
 07.02.2008 Il president de Zonte regjonâl Riccardo Illy tal daspomisdì di vuê al à mandât une letare al president dal Consei regjonâl, Alessandro Tesini, là che al comuniche la sô decision di dimetisi. Ta cheste maniere – al à spiegât Illy – si podarà lâ a votâ inte stessis zornadis sei pes elezions politichis (ai 13 e ai 14 di Avrîl dal 2008), sei par chês regjonâls che sul imprin si previodevin pai 8 e 9 di Jugn. Intune cun chês regjonâls, a saran duncje anticipadis ancje lis elezions pe Provincie di... continue
 04.02.2008 La ultime leç finanziarie statâl e previôt ancje intervents cuintri dal lavôr precari. In pratiche si proibìs aes aministrazions publichis di doprâ personâl cun contrats precaris, limitant cheste sorte di rapuarts di vore dome a pôcs câs di necessitât. Cheste iniziative che e ponte a sanâ l'abûs dal precariât che si à vût tai ultins agns e puarte dut câs une consecuence negative tal cjamp de tutele des minorancis linguistichis. Cun di fat, daûr de leç 482/99 lis aministrazions publichis che si cjatin intal teritori di une minorance ricognossude a àn... continue
 29.01.2008 Tes ultimis setemanis a son lâts indenant i atacs cuintri de gnove leç su la lenghe furlane fate buine dal Consei regjonâl ai 23 di Novembar dal 2007. Daûr di chescj atacs a son cierts rapresentants sindacâi e politics de nestre regjon che a domandin di impugnâ cierts articui de leç leâts, in particolâr, ae scuele. Denant di chescj atacs si son tornâts a dâ dongje la Universitât dal Friûl, il Comitât pe autonomie e pal rilanç dal Friûl, il Comitât 482, la Vita Cattolica, Radio Spazio 103 e Radio Onde... continue
 16.01.2008 La segretarie regjonâl de Uil e chê de Uil scuele dal Friûl VJ a àn domandât in maniere uficiâl al Guvier talian di impugnâ denant de Cort Costituzionâl la gnove leç regjonâl su la lenghe furlane. Il document al è stât firmât dal segretari regjonâl, Luca Visentini, e di chel dal compart scuele, Ugo Previti. Pai doi rapresentants sindacâi la leç e sarès incostituzionâl e e presentarès ancje un conflit di competencis. La incostituzionalitât – a disin i rapresentants de Uil – e vignarès dal mecanisim che la leç e previôt... continue
 11.01.2008 Cui 7 di Zenâr e varès vût di partî la gnove programazion radiofoniche in lenghe furlane inte suaze dai spazis regjonâi de RAI, ma ta chestis zornadis nol è stât fat nuie di ce che al previodeve il progjet pilote concuardât tra RAI, Ministeri talian pes Comunicazions, Regjon e lis rapresentancis furlanis che di timp a sburtavin par meti in vore la leç 482 ancje inte radiotelevision publiche. Daûr dal progjet, la RAI regjonâl e varès vût di trasmeti dal lunis al vinars doi programs di informazion e di aprofondiment in... continue
21.12.2007 Cun Zenâr la presince de lenghe furlane inte radiotelvision publiche e cressarà e deventarà continuative... almancul par un pôcs di mês. Di fat, a son partidis îr dal Ministeri talian pes comunicazions lis letaris che a uficializin la partence des trasmissions sperimentâls in lenghe furlane. La comunicazion e rive dal deputât furlan Ivano Strizzolo che al à fat savê che lis trasmissions radiofonichis a tacaran ai 7 di Zenâr e chês televisivis ai 20 dal mês. Si trate di un progjet pilote, che si poie sul articul 11 dal Contrat di... continue  21.12.2007 Intant de serade conclusive de diesime edizion de Mostre dal Cine Furlan si è davuelte, alì dal cine "Visionario" di Udin, la cerimonie di premiazion dal "Premi cinematografic Mario Quargnolo" cu la consegne de targhe ex aequo a cuatri autôrs. Di fat, la comission, formade di Marcello De Stefano, Carlo Gaberscek, Luca Giuliani e Roberto Iacovissi, e à sielzût, dentri de produzion cinematografiche par furlan dai agns 2006 e 2007, plui lavôrs che a meretavin un ricognossiment. La comission, duncje, e à decidût di premiâ: Nûfcent, videosclesis dal Friûl (part II)... continue
 19.12.2007 La gnove leç regjonâl su la lenghe furlane, il plurilinguisim come risorse pe nestre regjon, ma ancje lis prospetivis che si vierzin cu la jentrade de Republiche di Slovenie inte aree Schengen. A son dome un pôcs dai argoments che a saran frontât doman di matine (joibe ai 20 di Dicembar), a tacâ des 9.30, su Radio Onde Furlane intune interviste in esclusive cul president de Regjon, Riccardo Illy, curade dal diretôr de emitente Mauro Missana. Achì, us anticipìn cemût che Illy al à rispuindût cuant che i vin domandât cemût... continue
 17.12.2007 Si vierç usgnot, alì dal cine Visionario di Udin, la diesime edizion de Mostre dal cine furlan. L'apontament, metût adun cuntune muse rignuvide dal Centro Espressioni Cinematografiche, al larà indenant par cuatri seradis fintremai ai 20 di Dicembar. Chest an il festival nol varà sezions competitivis, ma une selezion des oparis plui interessantis jessudis vie pal 2006 e pal 2007. Si à invezit decidût di mantignî il premi dedicât a Mario Quargnolo, ma dant in man la decision a di une jurie esterne che e cjaparà in esam dute la produzion... continue
 07.12.2007 Daspò che il Consei regjonâl al à fate buine la gnove leç su la lenghe furlane, al reste inmò tant ce fâ pe difese dai dirits linguistics dai furlans. A dîlu al è il Comitât 482 che al segnale un pocjis des problematichis inmò viertis. Une cuestion e je chê de riscriture dal Statût di Autonomie de Regjon Friûl VJ. O sin une vore preocupâts pal atac trasversâl che si à vût alì de Comission pai Afârs Costituzionâi de Cjamare cuintri dai riclams al plurilinguisim e ae multietnicitât dal Friûl VJ... continue
 07.12.2007 E je durade mancul di une ore e mieze, a Palaç Belgrât, la assemblee dal Consei provinciâl di Udin, tacade vuê di buinore a 9 e mieze, dulà che Forza Italia, AN, Leghe Nord e UDC, adun cui partîts de oposizion, a àn fate buine la mozion di sfiduce al president Marzio Strassoldo. La mozion e jere l'unic pont al ordin dal dì e e met fin ae crisi politiche che si veve vierzude cu la publicazion dal pat tra il stes Strassoldo e l'ex vicesindic di Udin, Italio Tavoschi, là... continue
 03.12.2007 Si è davuelte vinars e sabide, cuntune buine partecipazion di public, la edizion 2007 di Musiche, la manifestazion che di agns e cîr di meti in evidence lis miôr produzions discografichis par furlan saltadis fûr dilunc vie dal an. L'osservatori su la musiche furlane al à assegnât la targhe Deganutti ae vore “Une Primavere” di Luigi Maieron. La jurie, dut câs, in plui di ricuardâ la figure Giorgio Ferigo, e à segnalât ancje la produzion editoriâl di “Ma diliberimi dal Mâ / Verba manent” di Raff BB Lazzara e Loris Vescovo,... continue
 27.11.2007 Si svicine l'apontament cu la edizion 2007 di Musiche, la manifestazion musicâl che di agns e cîr di meti in evidence lis miôr produzions discografichis par furlan saltadis fûr dilunc vie dal an. La manifestazion si davuelzarà alì dal Teatri Palamostre di Udin ai 30 di Novembar e il prin di Dicembar (si tache tor 9 sore sere) Inmò une volte, dentri de iniziative, si davuelzarà la fase finâl dal Premi Friûl, il concors promovût di Radio Onde Furlane che che an al rive ae sô vincjecincesime edizion. Dentri di Musiche... continue
 23.11.2007 Daspò che il Consei al à fate buine la gnove leç su la lenghe furlane, il Comitât 482, che ta chescj mês al è stât daûr ae cuestion e che ancje îr al jere presint a Triest cuntun presidi denant dal palaç dal Consei, al à declarât che la Regjon e à pierdût une ocasion storiche par fâ une leç inovative, ma che, a front dai tentatîfs continuâts di modificâ il test al ribàs, si à rivât a evitâ il piês. Achì disot si publiche in integrâl il comunicât stampe dal... continue
 23.11.2007 Vuê tal daspomisdì il Consei regjonâl al à fate buine, cuntune maiorance trasversâl, la gnove leç su la lenghe furlane. I vôts a pro a son stâts 33 e a son rivâts, in plui di Riccardo Illy e de maiorance che lu poie (Rifondazion Comuniste, PdCI, DS, Margarite, Pensionâts, Verts, e “Cittadini per il presidente”), ancje de Leghe Nord. I vôts cuintri a son stâts 17 e a son rivâts di Forza Italia, AN, UDC e dai conseîrs De Goia (Aut.-Soc.) e Battellino (IdV). A àn sielzût invezit la strade de... continue
 12.11.2007 Il CIRF – Centri Interdipartimentâl di Ricercje su la Culture e la lenghe dal Friûl – de Universitât dal Friûl al inmanee un cors pal personâl assegnât ae comunicazion in lenghe minoritarie. Il cors – che al è stât batiât “Comunicâ in lenghe furlane” – al è indreçât a dut il personâl tecnic aministratîf, ai docents e a dutis lis figuris professionâls de Universitâtu, ma ancje ai dipendents di ents e aministrazions publichis, massime ai gjornaliscj e al personâl assegnât ae comunicazion. Il cors, che al durarà in dut 18 oris,... continue
 09.11.2007 Intant de visite in Friûl dal President de Comission Europeane, José Manuel Barroso, inte suaze de Assemblee Gjenerâl de ARE, il Comitât 482 i à fat vê cheste letare sui dirits linguistics che o publichìn in integrâl chi disot.
Stimât President,
o vin il plasê di dâi, prin di dut, il nestri benvignût in Friûl, piçul blec de Europe là che di secui a vivin intune popolazions che a fevelin lenghis che a partegnin aes trê fameis linguistichis europeanis principâls: neolatine, slave e gjermaniche. E je une realtât,... continue
 05.11.2007 Al è muart vuê di buinore Giorgio Ferigo, un dai protagoniscj de rinassince musicâl furlane dai agns '70. Ferigo, nassût a Comelians intal 1949, al è stât di fat il cûr dal Povolâr Ensamble, un dai cjançonîrs che vie pai agns '70 a àn segnât un troi gnûf pe musiche furlane e par furlan. Se i prins tescj a rimontin al '71, il grup al à tacât a sunâ vie pal 1975 e al è lât indenant fin ai 27 di Fevrâr dal 1988. “O vin durât plui dai Beatles e... continue
 26.10.2007 Il Consei regjonâl al à scomençât dome îr a votâ il disen di leç su la lenghe furlane. La votazion e je tacade che a jerin zaromai lis cuatri e mieze tal daspomisdì, une volte finît l'esam e il vôt des modifichis al regolament de Aule. Un dai prins elements di marcâ al è dal sigûr la lentece dai lavôrs: daspò vê impleât dut il daspomisdì di miercus pal dibatiment cun ben 28 conseîrs intervignûts (plui la repliche dal assessôr e dai cinc relatôrs), il Consei al à votât îr dome... continue
 23.10.2007 Il Consei regjonâl si cjate vuê a sierâ la votazion dal disen di leç di tutele de minorance slovene e a tacâ l'esam de propueste di leç su la lenghe furlane: esam che al varès di lâ indenant ancje doman e, se necessari, inte zornade di joibe. Propit chest ultin disen di leç, dut câs, al preocupe no pôc lis realtâts associativis impegnadis inte difese dai dirits linguistics dai furlans, massime pes ipotesis di modifiche al ribàs che a son stadis fatis indenant di une part de maiorance regjonâl e pai... continue
 19.10.2007 Il Friûl al à pierdût une altre des figuris storichis dal mont autonomist. Cun di fat, miercus di sere, e je muarte Cornelia Puppini. Nassude a Cjavaç, in Cjargne, 79 agns indaûr e jere jentrade intal Moviment Friûl fintremai de nassite dal partît. Daspò jessi stade sindiche dal so Comun intai prins agns '70 e jere stade in Consei regjonâl dal 1975 fintremai al '88, par sierâ po la sô ativitât aministrative – simpri tes filis dal moviment autonomist – tai bancs dal Consei comunâl di Tumieç. I funerâi si davuelzaran... continue
 10.10.2007 E scomence vinars ai 12 di Otubar la edizion 2007 di Cormôr Salvadi che e larà po indenant ancje intes zornadis di sabide e domenie, cuntune code dute musicâl miercus ai 31 di Otubar. La zornade di vinars e ufrìs, alì dal Centri civic di Mortean, une cunvigne dedicade a “Identitâts linguistichis, produzion musicâl e promozion dal teritori” (a tacâ des 10 di buinore cun relatôrs Marco Stolfo, Alessandro D'Osualdo, Valter Colle, Priscilla De Agostini, Andrea Venier e Stefano Taboga), une sielte di videos musicâi che a rivin di diviersis comunitâts... continue
 08.10.2007 Lis modifichis al disen di leç su la lenghe furlane, che il Consei regjonâl al sarà clamât a votâ dentri de fin dal mês, a preocupin lis istituzions e lis realtâts associativis furlanis che ai 11 di Setembar a vevin clamât dongje une gruesse manifestazion a Udin propit par domandâ di miorâ il test jessût de VI Comission dal Consei. Daûr di ce che al è stât decidût inte ultime riunion di maiorance, alc al è stât cambiât, ma no simpri in miôr, come tal câs dal mecanisim di adesion al... continue
 04.10.2007 Al è stât presentât vuê di buinore a Udin, alì de Biblioteche Civiche “Vincenzo Joppi”, il progjet che al à non “Biblioteche furlane virtuâl”. L'intindiment al è chel di meti sù un sît Internet che al cjapi sù, al cataloghi e al meti a disposizion di ducj lis informazions su la produzion a stampe e su altris supuarts in lenghe furlane. Il progjet al sarà metût adun de Biblioteche civiche di Udin in gracie de poie economiche de ARLeF e cu la colaborazion de S.F.F. e de sezion regjonâl de Associazion... continue
 04.10.2007 Un progjet pilote che al previôt che la RAI regjonâl, a partî dal Zenâr dal 2008, e mandi in onde une schirie di trasmissions radiofonichis e televisivis di informazion e di aprofondiment in lenghe furlane. Al è chest, in struc, ce che al è saltât fûr dal incuintri che si è davuelt îr tal daspomisdì a Rome tra i rapresentants de RAI, dal Ministeri des comunicazions e di une delegazion furlane formade dal assessôr regjonâl Roberto Antonaz, dal retôr de Universitât dal Friûl Furio Honsell, dal sindic di Udin Sergio Cecotti,... continue
 02.10.2007 Nuie di fâ nancje îr in Consei regjonâl pe leç di tutele de minorance slovene. Cun di fat, ae fin de zornade, a jerin stâts votâts dome 15 dai 25 articui che a formin il disen di leç. A ralentâ la votazion a son stadis ancje un pâr di sospensions dai lavôrs par vie che al mancjave il numar legâl. Il vôt dai ultins articui, duncje, al è rinviât ae prossime sentade dal Consei che e je in program ai 17 di Otubar. Ta cheste maniere si sposte ae seconde metât... continue
 01.10.2007 Marzio Strassoldo al à dât lis sôs dimissions di president de Provincie di Udin. Lis dimissions a son rivadis vuê di buinore intant de sentade di Consei provinciâl che e jere stade clamade dongje par votâ i ecuilibris di belanç. La decision e nas de balfuerie politiche saltade fûr daspò de publicazion de notizie dal contrat sotscrit vie pal 2006 là che Strassoldo, in câs di conferme ae presidence de Provincie, si impegnave a dâi a Italo Tavoschi un puest di dirigjent provinciâl in cambi di une poie eletorâl. La vuide... continue
 14.09.2007 Radio Onde Furlane e incrès lis utencis in linie. Denant di un aument fuart de domande il server al doplee cumò lis sôs pussibilitâts e si slargje ai furlans de Americhe Latine. Il colegament par scoltâ la Radio in Friûl al è stât potenziât cuntune incressite de cualitât. Cun di plui al è ancje in vore un colegament par scoltâ la Radio in diferide di 5 oris (cul orari de Argjentine), sisteme che al jere za doprât di Radio FM Comunicar par trasmeti Onde Furlane a Colonia Caroya.
Si profite de... continue
12.09.2007 Un dai dâts di marcâ par chel che al rivuarde la manifestazion che si è davuelte tal daspomisdì di îr a Udin, alì de Aule Magne de Universitât, al è chel de grande partecipazion di personis rivadis di dut il Friûl e ancje dal Mandament di Puart par sburtâ il Consei regjonâl a fâ buinis des leçs sul furlan, sul sloven e sul todesc che no sedin dai pas indaûr rispiet ae leç statâl 482 dal '99. Cun di fat, al apontament e à partecipât tante int, dongje dai rapresentants de... continue  07.09.2007 La VI Comission dal Consei regjonâl e à fat bon tal daspomisdì di îr il disen di leç su la lenghe furlane. Il test al à vût il vôt a pro dai conseîrs di maiorance di “Intesa Democratica” e chei cuintri dai conseîrs Paolo Ciani di AN, Piero Camber e Bruno Marini di Forza Italia. I conseîrs Claudio Violino de Leghe Nord, Roberto Molinaro de UDC e Massimo Blasoni di Forza Italia, invezit, a àn sielzût la strade de astension. Par Blasoni il test al è avonde bon, ma a van... continue
28.08.2007 Si davuelzarà ai 11 di Setembar e al varà non “Lenghis e identitâts dal Friûl te gnove Europe e tal vilaç globâl” l'apontament inmaneât di une taule di rapresentancis furlanis là che a son dentri la Universitât dal Friûl, il Comitât 482, il Comitât pe autonomie e pal rilanç dal Friûl, il setemanâl “La Vita Cattolica”, Radio Spazio 103 e Radio Onde Furlane. La iniziative e à chê di sburtâ par che il Consei regjonâl al fasi buine une gnove legjislazion su lis lenghis propriis dal Friûl VJ che ur permeti... continue  22.08.2007 E scomence vinars ai 24 di Avost a Sant Denêl, a sîs e mieze sot sere, la edizion 2007 de Fieste Ladine. La manifestazion e larà po indenant ancje tes zornadis di sabide e di domenie cuntune vore di apontaments di varie nature. Dilunc vie de fieste si podarà partecipâ a cunvignis (come chê su la lenghe e su la culture furlane inte scuele in program sabide di buinore alì de glesie di Sant Antoni); scoltâ concierts di musiche furlane e ladine (Loris Vescovo e Jean Ruaz vinars di sere; Priska,... continue
 07.08.2007 Pai scoltadôrs di Radio Onde Furlane che a fasin fature a scoltâ in timp reâl la version audio di “Internazionalitari” - la trasmission che e fevele, cuntun tai nazionalitari, des nazions cence stât e des minorancis nazionâls de Europe – cumò e je disponibile ancje une version in Rêt dal program (si le cjate ae direzion www.internazionalitari.blogspot.com ). Rispiet al formât radiofonic, su la Rêt si puedin cjatâ dome la seconde part de trasmission, ven a dî lis gnovis in curt, ancje se e je la pussibilitât di cjatâ la... continue
 31.07.2007 Tal daspomisdì di îr si è davuelte la ultime riunion dal Comitât stret de VI Comission, clamât a meti adun tun test unic lis diviersis propuests di leç su la lenghe furlane che a son stadis presentadis in Consei regjonâl. Il pont plui dibatût, là che no si à rivât a cjatâ une maiorance dentri dal Comitât, al è stât chel dal ûs dal furlan tant che lenghe veicolâr te scuele. Une misure che – lu ricuardìn – pes scuelis dal oblic e je za previodude de leç statâl 482 dal... continue
 27.07.2007 La propueste di leç su la lenghe furlane e je al centri di un atac trasversâl prime ancjemò di jessi elaborade dal Comitât strent de VI Comission dal Consei regjonâl. Ancjemò une volte, il pont dal contindi al è soredut chel dal ûs dal furlan inte scuele. Di une bande il deputât dai DS, Alessandro Maran (te foto chi a çampe), al declare che e se al ves di passâ un ciert stamp di leç, cun riferiments, par esempli, al ûs dal furlan come lenghe veicolâr inte scuele, si ativarès par... continue
 23.07.2007 La Federazion provinciâl dai DS di Udin, par bocje dal so segretari, Cristiano Shaurli, e à cjapât posizion in maniere une vore clare su la gnove leç sul furlan che ta chescj dîs e je al esam de VI Comission dal Consei regjonâl. Tun comunicât stampe che, chi disot o ripuartìn in maniere integrâl, si sburte pe presince de presince de lenghe furlane intes scuelis dentri dal orari curicolâr e pal so ûs ancje tant che lenghe veicolâr. Tal so intervent, Shaurli al dîs ancje che la ARLEF e à di... continue
23.07.2007 Ta chestis zornadis la Agjenzie Regjonâl pe Lenghe Furlane (ARLeF) e à dât fûr cinc bants che a àn chê di sburtâ e promovi la lenghe furlane in diviers cjamps. Un di bants – che a àn ducj scjadince ai 31 di Avost – al ponte a inviâ un cuindisinâl di informazion dut di plante fûr in lenghe furlane. Un altri al previôt la promozion de lenghe proprie dal Friûl intes scuelis secondariis. A 'nd è un che al rivuarde progjets di promozion dal furlan cuntune campagne radiofoniche indreçade ai zovins.... continue  18.07.2007 La gnove leç su la lenghe furlane e je stade al centri îr di une riunion de maiorance regjonâl. L'incuintri al à coventât par sclarî la posizion di “Intesa Democratica” suntun pôcs dai ponts plui dibatûts, anche se a restin inmò des divisions. Par chel che al rivuarde la scuele, la indicazion dal president de Zonte, Riccardo Illy, di tornâ indaûr su ciertis sieltis fatis dal esecutîf, e je stade acetade dai rapresentants de maiorance. In pratiche, si torne al version origjinarie dal test preparât dai esperts nomenâts de Zonte che... continue
 17.07.2007 Fâ clarece su cierts ponts là che e je inmò une cierte confusion e spiegâ lis resons pratichis e operativis che a son daûr de domande di tornâ al test di leç su la lenghe furlane metût adun dai esperts e po modificât de Zonte regjonâl. Chest al jere l'intindiment dal apontament inmaneât tal daspomisdì di îr a Udin dal Comitât 482, cu la colaborazion di esperts de ARLeF, dal CIRF de Universitât dal Friûl, dal Centri Friûl Lenghe 2000, di rapresentants dal mont de scuele e dai operadôrs linguistics di... continue
 13.07.2007 Il stîl combatîf dal apel inviât dal Comitât 482 no mi permet di firmâlu, viodude la incarghe istituzionâl che o ai, ma o soi dacuardi ad in plen cui obietîfs che si pon. Lu à declarât il retôr de Universitât dal Friûl, Furio Honsell, intant de presentazion de iniziative inmaneade chê altre dì dal CIRF. Il retôr al à duncje decidût di poiâ ta cheste maniere, plui adate ae sô funzion istituzionâl, la iniziative dal Comitât 482 e di domandâi al Consei regjonâl di modificâ il disen di leç su la... continue
 09.07.2007 Il lengaç publicitari funzionial par promovi la lenghe furlane e il furlan funzionial te publicitât? Rapresential une oportunitât lavorative? Isal just insegnâlu ai fruts? A son un pocjis des domandis che une iniziative inmaneade dal CIRF de Universitât dal Friûl e cirarà di spiegâ cemût che i furlans a rispuindin. Cun di fat, doman, martars ai 10 di Lui, a 11 di buinore, te sale Florio a Udin, si fevelarà di “Percezions e prospetivis di une lenghe: il furlan te opinion de int". La iniziative e je nassude par viodi il... continue
 06.07.2007 Cun lunis ai 9 di Lui, Radio Onde Furlane e mande in onde su lis sôs frecuencis (fm 90 mhz, in Cjargne 90.2) il radiodrame di Gianni Gregoricchio “îr e doman” metût adun dal stes autôr vie pai agns '80. Si trate di un omaç al scritôr, muart sul principi di chest an, che plui voltis al veve colaborât cu la emitente furlane. Il lavôr al è gjavât fûr de conte omonime, vincidore di une edizion dal premi leterari “San Simon” di Codroip. La opare, dividude in sedis pontadis, e larà... continue
 29.06.2007 Gnove iniziative dal Comitât 482 par domandâ che il Consei regjonâl al torni ae propueste di leç di politiche linguistiche fate indenant dal grup di esperts nomenâts de Zonte regjonâl scancelant lis modifichis fatis de Zonte. Si trate di un apel indreçât a ducj chei che a àn a cûr l'avignî de lenghe furlane e i dirits linguistics di ducj i citadins. Achì disot o ripuartìn il test integrâl dal apel cul invît a sotscrivilu (non, cognon, profession e comun di residence) e mandâlu ae direzion di pueste eletroniche: com482@libero.it. continue
 28.06.2007 A son sù par jù une sessantine i operadôrs linguistics di furlan, sloven e todesc che a lavorin intes aministrazions publichis dal Friûl VJ (Regjon, Provinciis, Comunitâts Montanis, Comuns, Universitât). Un numar che al è lât dilunc a cressi in maniere progressive ta chescj ultins agns, ancje se la plui part di lôr si cjate ancjemò tune condizion di precarietât lavorative (cun contrats che, par solit, a van di sîs mês a un an). Dongje di dâ un servizi impuartant aes aministrazions e ai citadins, i lavoradôrs di sportel a rapresentin... continue
 28.06.2007 Al è formât dai conseîrs Massimo Blasoni (FI), Paolo Ciani (AN), Pietro Colussi (Cittadini), Kristian Franzil (PRC), Paolo Menis (DL – Margarite), Annamaria Menosso (DS), Roberto Molinaro (UDC), Claudio Violino (LN), e Bruna Zorzini (PdCI), il Comitât strent dal Consei regjonâl che al varà di meti adun lis trê propuestis di leç che a rivuardin la lenghe furlane. La decision di meti sù chest Comitât e jere stade cjapade martars daspò che si vevin davueltis in VI Comission dal Consei regjonâl lis audizions di une schirie di sogjets istituzionâi, di comitâts... continue
 25.06.2007 A son trê lis propuestis di leç presentadis in Consei regjonâl che a rivuardin la lenghe furlane. Si trate di un test sul insegnament dal e par furlan a scuele fate indenant za di timp de Leghe Nord; di une altre propueste specifiche sul insegnament tune suaze plurilengâl, elaborade de COD de ARLeF, e po presentade dai conseîrs Baiutti, Guerra, Violino, Zorzini; e, in fin, di un disen di leç organic di tutele e promozion de lenghe furlane, fat indenant de Zonte. Par preparâ chest ultin test e jere stade metude... continue
 25.06.2007 Il disen di leç su la tutele e la promozion de lenghe furlane fat indenant de Zonte regjonâl no i plâs ai operadôrs linguistics che za di cualchi an, e in maniere simpri plui slargjade, a operin in diviersis aministrazions locâls. Lu àn dite a clâr cuntun document che us proponìn chi disot in forme integrâl.
UNE PROPUESTE INDECENTE
Ta chestis setemanis la Zonte Illy e à fate buine une propueste di leç regjonâl che e varès di conventâ a tutelâ la lenghe furlane, rinfuarcint e integrant la... continue
 22.06.2007 Invistî te tutele de lenghe furlane, ce risultâts puartial dal pont di viste linguistic, ma ancje di chel economic e ocupazionâl? A cheste domande e cirarà di rispuindi la cunvigne «Efiets economics e ocupazionâi des leçs di tutele pe lenghe furlane», inmaneade de cooperative Serling adun cul Servizi pes Identitâts linguistichis de Regjon Friûl VJ e cu la Comunitât culinâr dal Friûl, che si tignarà martars ai 26 di Jugn, li de sale cunvignis dal cjistiel di Colorêt di Montalban. A vignaran presentâts i risultâts di une ricercje puartade indevant de... continue
 12.06.2007 Un progjet pilote par inviâ, dentri dal an, notiziaris informatîfs in lenghe furlane inte RAI regjonâl. Al è ce che il ministri talian pes comunicazions, Paolo Gentiloni, ur à prometût ai membris de delegazion formade di rapresentants des istituzions e des realtâts associativis furlanis che tal daspomisdì di îr si è cjatade cun lui a Rome. Al centri de riunion e jere ila cuestion de presince de lenghe furlane e dal rispiet de leç 482 inte radiotelevision publiche: chest par vie che, ancjemò une volte, il Contrat di servizi fat bon... continue
 05.06.2007 Il Consei des Autonomiis, che si è dât dongje îr a Udin, al à decidût di rinviâ a doman la decision su la propueste di leç sul furlan votade dal esecutîf regjonâl ai 25 di Mai. La votazion e je stade rimandade di maniere – cussì al è stât spiegât – di lassâi il timp ai membris dal Consei di tamesâ cun plui calme il test. Dut câs une part dai rapresentants dal Consei des Autonomiis e à za mostrât dubis su la propueste. Si tratte soredut di sindics che a... continue
 29.05.2007 Si son sieradis îr a trê lis elezions intai 25 Comuns dal Friûl VJ clamâts a rignuvî lis lôr aministrazions, ma intune vore di câs la conte dai vôts e je lade indenant fin gnot, come tal câs di Gurize. Intal cjâf lûc dal Friûl orientâl la vitorie e je lade al prin turni al candidât dal centri diestre, Ettore Romoli. L'esponent di Forza Italia al à vût il 51,13% des preferencis. Daûr di lui, une vore plui distants, a son rivâts i doi candidâts dal centri çampe: prin Andrea Bellavite... continue
 29.05.2007 In provincie di Udin a jerin 11 i Comuns interessâts al vôt. I eletôrs di Çarvignan a àn sielzût di dâ un segnâl di continuitât e a àn confermât sindic Pietro Paviotti cul 51,65% des preferencis. A Manzan, invezit, e je stade votade come sindic une femine: si trate de candidade dal centri diestre Lidia Driutti che e à cjapât il 62% dai vôts, il candidât de Leghe Nord si è fermât sul 20%, plui indaûr la candidade dal centri çampe. Vitorie pal centri diestre ancje a Lignan, là che al... continue
 29.05.2007 Intal Friûl ocidentâl a jerin 8 i Comuns che a vevin di rignuvî la lôr aministrazion. A Cjasarse la vitorie e je lade al candidât di centri diestre Angioletto Tùbaro cul 48,51% des preferencis. A Davian, invezit, sucès pal candidât di centri çampe, Stefano Del Cont Bernard, che al à cjapât il 35,84% dai vôts. A Daçan la vitorie e je lade al candidât leghist Enzo Bortolotti che al à cjapât il 62,15% des preferencis. Vitorie pal centri diestre ancje a Manià là che Alessio Belgrado si è imponût cul 54,12%... continue
 16.05.2007 Tal câs dai popui che a fevelin une lenghe minoritarie, ce funzion àno o puedino vê lis gnovis tecnologjiis de comunicazion intal meti in relazion lis comunitâts emigradis e la lôr tiere di divignince? E je cheste la domande che si cîr di rispuindi sabide ai 19 di Mai alì dal cjistiel di Colorêt di Montalban intant de cunvigne “Lenghis minoritariis, media, emigrazion” inmaneade de Comunitât Culinâr dal Friûl, adun cu la cooperative “Informazion Furlane” e cu la Regjon. Esperts e rapresentants des associazions dai emigrâts a frontin cheste cuestion, ancje... continue
 02.05.2007 Il Prin di Mai e je stade la ocasion par fâ un cuadri dai ponts di crisi ocupazionâl che a tocjin il Friûl. Al è il Gurizan il teritori che al è daûr a paiâ il presit plui alt di chest pont di viste. Daspò de lungje vertence Finmek, là che in dì di vuê a son tornâts a vore 120 dipendents su 260, cumò si è vierzude la cuestion de Ineos di Monfalcon là che, tra lavoradôrs direts e indot, a son in 200 a riscjâ il puest di lavôr.... continue
 25.04.2007 Il funerâl di pre Toni Beline si celebre vuê, a 5 sot sere, alì de glesie parochiâl di Visepente. A dî messe al sarà l'ex arcivescul di Udin, Alfredo Battisti.
Chi disot o publichìn il plait di corot dal Comitât 482.
"Vuê pre Toni Beline al torne tal grim di chê tiere che tant al à amât e che par jê cussì tant al à lotât. Tiere che no je dome un miscliç di elements inorganics, ma che e je cjar vive, formade di feminis e oms, cu lis... continue
 23.04.2007 Pre Toni Beline al è muart usgnot passade, daspò di agns segnâts de malatie che, dut câs, no veve rivât a cidinâlu. Al jere nassût intal 1941 a Vençon e intal 1965 al jere stât ordenât predi, davuelzint il so ministeri pastorâl prime in Cjargne e po a Visepente. Proprietari de testade “La Patrie dal Friûl”, par agns le à curade in prime persone cjapant in man la ereditât di oms tant che Felix Marchi, pre Josef Marchet e Marie Del Fabro, ma al è lât indenant fin sul ultin a... continue
 06.04.2007 Il Consei di Aministrazion de RAI e il Ministeri des Comunicazions a àn fat bon il gnûf contrat di servizi pe dade 2007 – 2009. Compagn di ce che al jere sucedût te legjislature stade cul guvier di centri diestre, ancje cheste volte, cul guvier di centri çampe, il contrat di servizi nol rispiete i dirits des comunitâts di lenghe di minorance previodûts de leç statâl 482 dal '99. Cun di fat, la leç di tutele des minorancis linguistichise dîs a clâr che intal contrat di servizi a àn di jessi... continue
 04.03.2007 Al à tacât a jessi dât fûr îr il “smile” made in Friuli che, a scomençâ dal mês che al ven, si podarà viodilu a cimiâ su lis vetrinis dai ambients o tacât su machinis, russacs, cascs e inaltrò par dî “Jo o feveli furlan”. E je la gnove campagne inviade dal Centri Interdipartimentâl su la culture e la lenghe dal Friûl (CIRF) de Universitât dal Friûl par promovi l’ûs de lenghe furlane tai ambients, tai esercizis comerciâi e framieç dai zovins. La sielte e je colade suntun adesîf là... continue
03.04.2007 Vuê martars ai 3 di Avrîl a colin i 930 agns de nassite formâl dal stât patriarcjin furlan. Un inovâl che, di 30 agns incà al ven celebrât tant che Fieste de Patrie dal Friûl, e che tai ultins agns al à vût ancje un ricognossiment uficiâl des istituzions. Par fâ fieste e par ricuardâ cheste date impuartante de storie furlane ta chestis zornadis a son stadis inmaneadis cetantis iniziativis ator pal Friûl. La celebrazion principâl si le à vude domenie a Aquilee, antighe capitâl furlane e cûr spirituâl de nestre... continue  03.03.2007 Atac vandalic di stamp neofassist cuintri di Radio Onde Furlane. Cun di fat, vie pe gnot jenfri vinars e sabide, a son stadis pituradis svastichis e crôs celtichis su la jentrade de emitente nazionalitarie furlane. I autôrs dal at vandalic no àn lassât altris firmis o rivendicazions di sorte. No saran dal sigûr intimidazions di cheste fate, puartadis indenant di personis che a àn pôre di mostrâ la lôr muse, a pidimentâ la ativitât di Radio Onde Furlane che, di 27 agns, e puarte indenant lis sôs bataiis ae lûs dal... continue
 27.02.2007 O publichìn achì disot il messaç dât fûr dal Comitât 482 in ocasion de Zornade Furlane dai Dirits:
Ai 27 di Fevrâr al cole l’inovâl di une date un grum impuartante de storie furlane, ancje se a son inmò tancj i furlans che no le cognossin. Tal 1511 la Joibe Grasse e colave juste ai 27 di Fevrâr e, ta chê zornade, si invià il riviel plui grues de storie dal Friûl. In bandis di vuerilie, i contadins a cjaparin, a meterin a sac e a brusarin cjistiei e palaçs... continue
 26.02.2006 Ai 27 di Fevrâr al cole l’inovâl de Joibe Grasse dal 1511, ven a dî la zornade che si invià il riviel plui grues de storie dal Friûl. Une rivolte che e viodè lis popolazions rurâls dal Friûl batisi pal rispiet dai lôr dirits. Par chest la date dai 27 di Fevrâr e je stade sielzude tant che Zornade Furlane dai Dirits. Radio Onde Furlane e à decidût di fâ une programazion dute speciâl par cheste date. Doman, duncje, si tache a 9 di buinore cuntune introduzion ae zornade e po... continue
 01.02.2007 Al è muart îr Gianni Gregoricchio regjist, scritôr, tradutôr, critic (ma ancje sindacalist) furlan, nassût a Udin otante agns indaûr. Tai agns Sessante al jere stât regjist de Compagnie dai zovins atôrs di Udin. Autôr di contis (come “Îr e doman” e “Int di borc”), romançs (come “Une vite di pôc”), lavôrs teatrâi e senegjaturis par radiodrams. Cui siei lavôrs al à vinçût diviers premis, tant che il “Sant Simon” tal 1984 e tal 1988 e il Concors par tescj teatrâi in lenghe furlane tal 1991 e tal 1992. Al è... continue
 19.01.2007 Su Radio Onde Furlane al tache doman (sabide ai 20 di Zenâr), a 10 e mieze di buinore, un gnûf program cuindisinâl che al è stât batiât “Friûl piturât di neri”. Il program al è condusût in lenghe furlane di Daniel Samba, student di Relazions Publichis a Gurize e origjinari dal Camerun. Daniel al vîf in Friûl di cinc agns e al à disvilupât un amôr pal furlan che cumò al à decidût di puartâ ancje tal mieç radiofonic. Dentri di ogni pontade a cjataran puest: un aprofondiment suntun fat di... continue
 21.12.2006 Ae VI edizion dal Concors par Tescj Cinematografics in Lenghe Furlane dal C.E.C., che la cerimonie di premiazion si è davuelte îr di sere alì dal cine “Visionario” di Udin, a àn vinçût la senegjature intitulade “La ultime pavee” scrite di Luigi Ercole e Caterina Baldissera e il saç “Il critic cinematografic furlan Mario Quargnolo” di Roberto Iacovissi. A valutâ i 12 lavôrs in concors a jerin in jurie Giorgio Cantoni, Stiefin Morat e Gianni Pascoli. Intant de serade, cun di plui, al è stât presentât il cuint numar de riviste... continue
 continue
 18.12.2006 Vuê, tal prin daspomisdì, si è davuelt a Udin l’incuintri tra i rapresentants dal Comitât 482, dal Comitât pe autonomie e pal rilanç dal Friûl e dal Comitât pe sede autonome de RAI in Friûl e i parlamentârs furlans (a jerin presints Pegorer, Pertoldi, Strizzolo pal centri çampe, e Compagnon, Saro, Tondo pal centri diestre, il conseîr Violino al rapresentave invezit il deputât leghist Pottino). Al centri dal incuintri il rispiet de leç 482 dal ’99 su lis minorancis linguistichis storichis intal Contrat di Servizi 2007 – 2009 tra il ministeri... continue
 12.12.2006 La RAI e il Ministeri talian pes comunicazions a àn prontât il stampon dal contrat di servizi 2007 – 2009 che cumò al varà di passâ al esam de Comission parlamentâr. Par chel che al inten i dirits des minorancis linguistichis il gnûf contrat nol à dentri ce che e previôt leç 482 dal ’99. La leç di tutele, di fat, e previôt che la RAI e siguri la presince des lenghis minorizadis inte sô programazion e che intal contrat a sedin dentri sei i nivei minims di tutele, daûr di... continue
 06.12.2006 Se e je vere che une des espressions plui inovativis de culture furlane contemporanie e je rapresentade de musiche, une part dal merit di cheste vivarositât i va dade dal sigûr al “Premi Friûl” inmaneât di Radio Onde Furlane. Chest concors, nassût tai prins agns otante, al à viodût a nassi e a cressi une buine part dai artiscj che in dì di vuê a puartin indenant la sene musicâl in lenghe furlane. Par chel che al inten la edizion 2006 i grups che a àn rispuindût al bant di concors... continue
 22.11.2006 Il Consei regjonâl al à fat bon a grande maiorance il disen di leç costituzionâl pal passaç dal Comun di Cint de Regjon Venit al Friûl VJ. A votâ a pro a son stâts ducj i conseîrs, sei di maiorance che di oposizion, fûr che il cjâf grup di Forza Italia, Isidoro Gottardo, che al à sielzût di astignîsi. La decision finâl sul passaç di Regjon i spiete al Parlament, ma lis dôs Regjons interessadis a son clamadis a dâ il lôr parê in mert. Il vôt a pro dal passaç... continue
 17.11.2006 Cjapant sù l’apel dal Comitât 482 o ai inviât i contats cu la ministre Lanzillotta, cul vicepresident dal grup dal Ulîf Bressa e cun altris cjâfs grup di maiorance par risolvi il probleme dai tais ae leç di tutele des minorancis linguistichis storichis previodûts dal decret Bersani. I fonts origjinaris de leç 482 a varessin, duncje, di jessi garantîts bielzà ta cheste finanziarie. A declarâlu al è stât il deputât dal Ulîf, Flavio Pertoldi, che al à po zontât di vê cjatade la disponibilitât di bande dal Guvier talian e dai... continue
 14.11.2006 A ce pont sino cul gnûf contrat di servizi tra ministeri talian des comunicazions e RAI, là che a varessin di jessi dentri ancje i riferiments par meti in vore lis misuris di tutele des minorancis linguistichis inte radiotelevision publiche? Ta chestis zornadis il stampon di contrat metût adun de RAI al è al esam dai uficis dal ministeri che a son daûr a justâlu tes parts no condividudis o mancjantis. Tal zîr di une setemane il document al varès di jessi a bon e pront pe ultime fase de contratazion,... continue
 09.11.2006 A àn tacât vuê a jessi dadis fûr lis primis copiis da “il Diari” un mensîl gnûf e dut par furlan. Il diretôr di cheste gnove imprese editoriâl al è Mauro Tosoni, firme dal gjornalisim furlan che no à bisugne di presentazions (a tacâ de esperience di “In Uaite”). “Il Diari” al sarà dât fûr a gratis (cu sisteme de stampe libare) in 12 mil copiis tes provinciis di Gurize, Pordenon e Udin. Il mensîl, che si presente come “il prin gjornâl di gnovis dut par furlan”, al vierç cuntune prime... continue
 08.11.2006 La Cuinte Comission dal Consei regjonâl e à dât il so parê positîf al passaç dal Comun di Cint de Regjon Venit al Friûl VJ. A votâ a pro a son stâts sei i conseîrs de maiorance, sei chei de oposizion; l’unic che si è astignût al è stât il cjâf grup di Forza Italia, Isidoro Gottardo. Parê positîf ancje di bande de Zonte par mieç dal assessôr Franco Iacop. Il proviodiment al passarà cumò al esam dal Consei regjonâl. La decision definitive, dut câs, i spiete al Parlament talian. La... continue
 25.10.2006 Tra lis vitimis dal cussì clamât decret Bersani a son ancje lis minorancis linguistichis. Cun di fat l’articul 25 dal test di leç al previôt dute une schirie di tais ae spese publiche pai agns 2007 – 2009. A jessi cjapade dentri e je ancje la leç 482 dal ’99, ven a dî la leç di tutele des minorancis linguistichis storichis. A front di une dotazion finanziarie totâl che no rive nancje a 10 milions di euros, il decret Bersani al taie plui di un milion e 800 mil euros pal... continue
20.10.2006 Lis lenghis minoritariis e puedin zontâ valôr inte comunicazion sociâl. Un esempli che si pues viodi simpri di plui al è chel dal ûs de lenghe furlane intes campagnis di comunicazion sanitarie e di prevenzion. Di chest si fevele vuê intune cunvigne metude adun de Aziende pai servizis sanitaris de Alte furlane e dal Centri interdipartimentâl di ricercje su la culture e la lenghe dal Friûl (Cirf) de Universitât furlane cu la poie de Regjon. I lavôrs a tachin a 8 e 45 alì de Sale dal Consei comunâl di Dartigne. Daspò dai salûts des autoritâts si tache cu... continue  17.10.2006 Dal incuintri dai ministris dai traspuarts talian, francês, sloven, ongjarês e ucrain e de cunvigne metude sù de Assemblee des Regjons de Europe (ARE), che si son davuelts îr a Udin, a son jessûts doi documents che a sburtin pe ferovie a alte velocitât (TAV) dilunc de trate dal Coredôr 5.
La declarazion di intindiments sotscrite dai ministris dai cinc stâts e previôt une azion unitarie alì de Union Europeane par sburtâ e finanziâ il progjet pes oparis leadis al Coredôr 5, slargjant il percors plui innà dal confin jenfri Ongjarie... continue
 17.10.2006 Un protocol di intese su la zonizazion acustiche al è stât firmât îr a Lavorêt tra Regjon, ARPA, Provincie di Pordenon e i Comuns di Davian, Fontanefrede, Lavorêt, e Sant Quarin. La cuestion e je leade ae presince de base USAF di Davian e ai problemis di incuinament acustic causâts de sô ativitât. L’obietîf de iniziative al è chel di cjatâ fûr i imprescj miôr par limitâ l’incuinament acustic e di fissâ lis liniis di indreçament par meti jù lis variantis urbanistichis daûr de zonizazion acustiche gjenerâl. Il protocol – al... continue
 13.10.2006 Sabide ai 14 di Otubar a saran i Arbe Garbe a rapresentâ la musiche furlane al Liet International, il concors internazionâl par grups e cjantautôrs che a doprin une des milante lenghis minorizadis de Europe. Il concors, che intai agns stâts si tignive in Frisie, si davuelzarà chest an a Östersund in Svezie, inmaneât de comunitât sami. Inte fase finâl dal concors, i Arbe Garbe a varan di frontâ la concorince di altris undis grups, daspò di vê passât la prime selezion dulà che si vevin presentâts 61 tra grups e... continue
 10.10.2006 Si davuelç tra vuê e doman a Udin e a Triest la prime iniziative par ricuardâ i 25 agns de aprovazion di bande dal Parlament european de Risoluzion suntune Cjarte des lenghis e des culturis regjonâls e suntune Cjarte dai dirits des minorancis etnichis fate indenant dal pal parlamentâr talian Gaetano Arfè. Si trate di une cunvigne che e partìs de presentazion dal libri “Lingue minoritarie e unità europea. La Carta di Strasburgo del 1981” di Marco Stolfo. Il volum al è dedicât al rapuart tra la tutele des minorancis e... continue
 21.09.2006 Ai 26 di Setembar dal 2001 il Consei di Europe al à metût sù la Zornade Europeane des Lenghis cun chê di sburtâ la diviersitât linguistiche e di stiçâ la int a imparâ plui lenghis. In ocasion di cheste Zornade a son diviersis lis iniziativis inmaneadis in Friûl là che la pluralitât linguistiche e je di cjase e là che, uniche tiere in Europe, si cjatin lis lenghis des trê fameis linguistichis europeanis plui gruessis. Chest an, la Universitât dal Friûl, adun cu la Regjon, cu la Provincie e cul Comun... continue
 20.09.2006 Une propueste di leç sul insegnament de lenghe furlane, fate indenant dal conseîr Claudio Violino par cont dal grup de Leghe Nord, e je stade presentade îr denant de VI Comission dal Consei regjonâl. Cundut de leç statâl 482 dal 1999, la situazion dal insegnament dal furlan e reste inmò tune condizion precarie – al à spiegât Violino – cun di fat, dome in cualchi istitût si cjatisi denant di un insegnament di cualitât, i fonts a disposizion a son pôcs e, in cierts câs, doprâts par fâ robis diviersis di... continue
12.09.2006 La Zonte des nominis dal Consei regjonâl e à dât vuê, a maiorance, il so parê positîf ae nomine di Lorenzo Fabbro tant che gnûf president de ARLeF: la Agjenzie Regjonâl pe Lenghe Furlane. Daspò de audizion dal candidât, al è rivât il vôt a pro dai conseîrs Tonutti (Margarite), Paselli (Citadins) e Ferone (Pensionâts); a àn votât cuintri, invezit, i conseîrs di oposizion Gottardo (FI) e Molinaro (UDC). Par che la nomine e jentri in vore al mancje dome il vie libare de Zonte regjonâl, che al varès di rivâ avonde in curt. Fabbro al cjape il puest... continue 06.09.2006 Meti sù la Assemblee des Provinciis furlanis dentri de fin dal an. Chest al è l’obietîf che si àn dâts i presidents des Provinciis di Pordenon e Udin, Elio De Anna e Marzio Strassoldo, intant dal incuintri di îr a Udin cui rapresentants dal Comitât pe autonomie e pal rilanç dal Friûl. De Anna al à fat savê che al puartarà la propueste in Consei provinciâl za ai 28 di Setembar. La idee e je chê di meti in pîts un Consei formât dai presidents des Zontis, dai Consei e di... continue  30.08.2006 Meti in pîts une Assemblee des Provinciis Furlanis par frontâ, prin di dut, i temis dal svilup sociâl e e economic de nestre tiere. A declarâsi a pro di cheste posizion al è stât il president de Provincie di Pordenon, Elio De Anna, daspò dal incuintri cuntune delegazion dal “Comitât pe autonomie e il rilanç dal Friûl”. De Anna al à spiegât che vinars al sarà presentât un progjet che al va ta cheste direzion intant di une riunion là che a saran ancje i presidents di chês altris dôs Provinciis... continue
 26.08.2006 La aministrazion regjonâl e domande gnove documentazion prime di dâ il so parê sui doi implants di rigassificazion che si volarès tirâ sù intal Golf di Triest. La decision e je stade cjapade intant de riunion di Zonte di îr. Cun di fat, dal esam dai documents al ven fûr che i progjets, cussì cemût che a son, no rispuindin ad in plen ae legjislazion statâl e europeane. A mancjin, in particolâr, lis resons che a son daûr di ciertis sieltis tecnichis e lis indicazions par alternativis pussibilis. La Regjon, duncje,... continue
 23.08.2006 La relazion tecniche sui progjets pai rigassificadôrs intal Golf di Triest e je pronte, ma i tocjarà ae Zonte regjonâl, inte sentade di vinars, decidi se domandâ o no altre documentazion aes dôs societât interessadis a fâ sù i implants. A dîlu al è stât il vicepresident de Zonte, Gianfranco Moretton, daspò dal incuintri cui tecnics regjonâi che i stan daûr ae cuestion. La relazion e va plui a fonts intai aspiets che a integnin la sigurece e l'impat ambientâl dai doi progjets, ven a dî lis consecuencis pal teren e... continue
 23.08.2006 Al è stât publicât îr su la Gazete Uficiâl il decret dal Ministeri talian pes politichis agriculis che al previôt l’ûs de forme “friulano” dongje dai nons za in ûs di “Tocai friulano” e “Tocai italico”. Il proviodiment al permet di une bande di doprâ ancjemò i nons za in vore par tignî vierte la puarte tal câs che al ledi a bon fin il ricors presentât ae Cort di Justizie di Strasburc, e di chê altre bande di tacâ a promovi la gnove forme tal câs che l’ûs dal non... continue
 12.08.2006 Daspò mês di tratativis, cun siopars e taulis di conciertazion saltadis, îr di sere e je rivade la firme dal Compart Unic regjonâl 2002 – 2005, che al cjape dentri sù par jù 3 mil dipendents de Regjon e 12.700 dai Ents locâi. dai dipendents publics. Di dutis lis organizazions sindacâls, dome la CISAL no à partecipât ae firme dal contrat. Dut câs, par metilu in vore, si varà di spietâ la fin di Setembar, daspò dal parê di ANCI, UPI e UNCEM e dal esam de Zonte regjonâl e de... continue
 26.07.2006 Prime riunion, vuê a 11 e mieze, pal grup di lavôr incjariât de Zonte regjonâl di meti jù un disen di leç su la lenghe e la culture furlane, che al ledi a cjapâ il puest de leç 15 dal ’96. Intal grup di lavôr a son dentri: Pier Carlo Begotti, che al è il coordenadôr, Bojan Brezigar, che al fâs di segretari, William Cisilino, Licio De Clara, Rosalba Perini, Carli Pup e Federico Rossi. L’incuintri al è stât vierzût dal intervent dal assessôr regjonâl pes identitâts linguistichis Roberto Antonaz e... continue
 17.07.2006 Par garantî ai furlans il dirit di partecipâ ae liturgjie catoliche inte lôr lenghe mari e je bisugne che dut ce che al covente par dî messe al sedi par furlan e che al vedi il parê positîf dal Vatican. In graciis di une lungje bataie, puartade indenant in primis dai predis di “Glesie Furlane”, si à vût il vie libare prime pe Biblie e po pal Lezionari par furlan, ma al mancje ancjemò il Messâl. A son zaromai mês che la version par furlan e je jù a Rome in... continue
 12.07.2006 E je muarte vuê di buinore te sô cjase di Mediis, Maria Del Fabro. Nassude tal 1913 tal paîs cjargnel, e je stade la femine di Felix Marchi, militant socialist – anarchic, in prime linie pe autodeterminazion dal popul furlan, fondadôr dal gjornâl “Patrie dal Friûl". Dut câs, Maria Del Fabro no je dal sigûr une femine che e à vivût platade te ombre dal so om, baste pensâ che tra il 1953 e il 1965 e je stade diretore de “Patrie dal Friûl”, in agns là che par une femine... continue
 07.07.2006 Cinc pacifiscj dal Friûl ocidentâl si son presentâts vuê di buinore intal Tribunâl di Pordenon, denant dal judiç Alberto Rossi, par domandâ un risarciment dams pe presince di une cincuantine di bombis nucleârs te base militâr USAF di Davian e che a sedin puartadis vie dal teritori furlan. A poiâ la iniziative dai cinc – Michele Negro, Carlo Mayer, Giuseppe Rizzardo, Tiziano Tissino e Monia Giacomini – al è il Comitât “Via le bombe” che al met adun passe un centenâr di citadins. I cinc pacifiscj a àn ancje la poie... continue
 04.07.2006 Une delegazion dal Comitât 482, formade dal puartevôs, Carli Pup, de coordenadore pe comunitât slovene, Jole Namor, e dal responsabil pai rapuarts cul Parlament talian, Arnaldo Baracetti, si è cjatade a Rome cul ministri talian pes comunicazions, Paolo Gentiloni, inte prime audizion des consultazions sul contrat di servizi RAI. La delegazion furlane e jere compagnade ancje dal president de CONFEMILI, Domenico Morelli. Intant dal incuintri i rapresentants furlans a àn domandât che tal gnûf contrat di servizi tra il ministeri e la concessionarie dal servizi public radiotelevisîf si meti in vore... continue
 03.07.2006 Vie pe gnot al è muart Piermario Ciani. L’artist di Bertiûl, che al veve 56 agns, al è muart di tumôr. E ven cussì a mancjâ une figure centrâl de art contemporanie e de comunicazion no dome a nivel furlan, par vie de tantis rêts artistichis metudis in vore di Ciani, interessât plui ae comunicazion che ae tele o al pinel. Tai agns ‘70 al veve metût in pîts la prime librerie e locâl alternatîf di Udin. Tai ’80 si veve fat cognossi pai ritrats dai zovins dal “Great Complotto” e... continue
 16.06.2006 La Zonte regjonâl dal Venit e à decidût di dâ fûr 250 mil euros pes iniziativis di promozion des minorancis linguistichis che a vivin dentri dai confins de Regjon. Si trate dai contribûts pal an 2006 dâts fûr su la fonde de leç regjonâl 73 dal 1994. La plui part dai fonts – ven a dî sù par jù 133 mil euros – a laran ae Federazion des unions culturâls ladinis di Cortine, altris 88 mil euros a laran invezit al Comitât che al met adun lis associazions culturâls dai cimbars.... continue
 02.06.2006 La cuestion des minorancis linguistichis e nazionâls e je rivade îr ae atenzion de ministre pai afârs regjonâi e pes autonomiis locâls, Linda Lanzillotta, che si è cjatade cuntune delegazion de Confemili (Confederazion des minorancis linguistichis talianis) formade dal president Domenico Morelli e di Bojan Brezigar, diretôr dal Primorski Dnevnik e conseîr de stesse organizazion. Ae ministre i è stade spiegade la situazion, ma soredut lis domandis che a rivin des comunitâts minorizadis, in particolâr la metude in vore plene de leç 482/99, soredut par chel che al inten la presince... continue
 31.05.2006 La esperience dal Grant Dizionari Bilengâl Talian Furlan, finanziât de Regjon e preparât su supuart eletronic dal Centri Friûl Lenghe 2000, al è rivât cun sucès alì de Universitât di Stocolme. Cun di fat, il Dipartiment di francês, talian e lenghis classichis di chê Universitât, che al à intindiment di preparâ un dizionari talian svedês su supuart eletronic al à stimât che il lavôr dal CFL2000 al podès jessi di model pal lôr progjet. Ta chestis zornadis si à vût un incuintri a Stocolme là che, pe part furlane, a àn... continue
 26.05.2006 In Friûl no mancjin lis iniziativis par confrontâsi cun altris realtâts minorizadis de Europe, ma nol capite ogni dì di podê vê une cerce de produzion leterarie e musicâl corse dal dì di vuê. A ufrî cheste pussibilitât e je la manifestazion “Cuntorni. Lenghis minoritariis e resistence culturâl. Corsiche, Catalogne, Friûl inte culture globâl.” Che e tache vuê e che e larà indenant ancje doman a Gurize. “Cuntorni” al nas inte suaze plui largje de rassegne “Onde Mediterranee” e al è une ocasion di incuintri e di confront tra scritôrs, musiciscj,... continue
 24.05.2006 Il progjet de linie feroviarie a alte velocitât che e varès di scjavaçâ la Basse furlane al sarà presentât usgnot a Çarvignan. L’apontament, che al tacarà a 8 e mieze alì dal teatri “Pasolini”, al è stât inmaneât de aministrazion comunâl e al è indreçât a chês altris aministrazion de Basse, aes associazions ambientalistis, sociâls, culturâls e economichis, ai sindacâts e ai citadins. Par chel che al inten il front istituzionâl, al incuintri a saran sei l’assessôr regjonâl, Lodovico Sonego, sei il conseîr regjonâl, Mauro Travanut.
Al apontament dut câs a... continue
 12.05.2006 Al sarà un Comitât formât dai rapresentants di Federdoc, Cantinis Cooperativis, associazions di categorie e MIB, e dal responsabil pe comunicazion de Regjon, Fabio De Visentini, a meti jù lis liniis di indreçament pal progjet di promozion dal non gnûf dal tocai furlan. E je cheste la decision saltade fûr îr di sere a Udin intant de riunion tra i diviers sogjets cjapâts dentri te cuestion. I timps a son une vore curts par vie che, ca di vincj dîs, si varà di presentâ dute la documentazion dal câs al ministeri.... continue
 10.05.2006 Martars a son stadis assegnadis lis deleghis ancje pe gnove Zonte provinciâl di Udin. Il gnûf esecutîf al è formât di 3 assessôrs di FI, 3 di AN, 2 de Leghe Nord e 2 de UDC. In Zonte no je stade nomenade nancje une femine. Il president Marzio Strassoldo si à tignût in man lis deleghis su belanç, programazion, organisims partecipâts, politichis linguistichis, culture, riformis istituzionâls e paritât tra om e femine. A Paride Cargnelutti i son ladis lis deleghis par istruzion, edilizie scolastiche, rapuarts cu lis istituzions sociâls, personâl e... continue
 09.05.2006 Il president de Provincie di Gurize, Enrico Gherghetta, al à presentât lunis la sô Zonte che e je formade di siet assessôrs, cuatri di lôr a son feminis. La scuadre di guvier e varès dut câs di slargjâsi a vot a pene che si ricjaparà Maurizio Di Matteo, che al è stât operât che al è pôc. Il president Gherghetta si à tignût lis deleghis par afârs gjenerâi, economie, energjie, viabilitât, traspuarts e sport. Roberta Demartin si ocuparà invezit di comunitâts linguistichis, culture, turisim, comunicazion e trasparence; Marco Marinčič di afârs... continue
 01.05.2006 A son stâts passe 15 mil, daûr des stimis sindacâls, i lavoradôrs che inte nestre regjon a àn partecipât aes manifestazions pal Prin di Mai. Daûr tradizion, inte nestre regjon, i apontaments principâi pe fieste dai lavoradôrs si àn vûts a Çarvignan, Gardiscje dal Lusinç, Pordenon, Triest e Vençon. Dongje de ocupazion e dal svilup economic, i temis centrâi de zornade sielzûts chest an dai sindacâts a son stâts la difese dai valôrs de Costituzion taliane e la lote cuintri de mafie. In Friûl, in plui di chescj argoments, il Prin... continue
 01.05.2006 Al è muart tal daspomisdì di domenie intal ospedâl di Sant Denêl il scritôr, poete e senegjatôr furlan Elio Bartolini. Nassût intal 1922, Bartolini al à scrit romançs, biografiis, poesiis, senegjaduris par cine e par teatri, sei par talian che par furlan. Cun oparis tant che “Poesiis protestantis”, “Cansonetutis”, “Cjantadis”, “Pontificale in San Marco”, “Le quattro sorelle Bau”, “La bellezza d’Ippolita”, “Vita di Giacomo Casanova” si è fat cognossi tant che un dai rapresentants plui impuartants de leterature furlane dal ‘900.
(Elio Bartolini tun cuadri di Mario Albanese)... continue
 24.04.2006 Il secont turni des elezions aministrativis che, in Friûl, al interessave la Provincie di Gurize e il Comun di Cordenons, al à viodût la vitorie dai candidâts dal centri çampe. Cun di fat i eletôrs dal Gurizan a àn di sielzût Enrico Gherghetta cul 58,86% des preferencis cuintri dal 41,14% di Leonardo Zappalà. In Provincie di Gurize al è lât a votâ dome il 48,49% dai eletôrs: la percentuâl di votants plui alte si le à vude a Doberdò (60.58%), chê plui basse a Dolegne (29,58%). Intal gnûf Consei provinciâl di Gurize,... continue
 21.04.2006 Ultime zornade di campagne eletorâl vuê pal secont turni des elezions aministrativis che, in Friûl, a interessin la Provincie di Gurize e il Comun di Cordenons. Domenie e lunis i eletôrs dal Gurizan a varan di sielzi jenfri Enrico Gherghetta, candidât dal centri çampe, e Leonardo Zappalà, che al rapresente i partîts dal centri diestre. I citadins di Cordenons, invezit, a son clamâts a sielzi il lôr sindic jenfri Dino De Anna, poiât dal centri diestre, e Carlo Mucignat, candidât dal centri çampe.... continue
 21.04.2006 Scree vuê a Udin pe edizion 2006 dal “Far East Film Festival”, la plui grande rassegne cinematografiche europeane dedicade al cine dal Lontan Orient. La manifestazion, inmaneade dal Centri Espressions Cinematografichis, e larà indenant fintremai i 29 di Avrîl alì dal teatri “Zuan di Udin” e dal cine “Visionario”. In dut, a saran proietâts 73 films, compagnâts di presentazions e incuintris cuntune cincuantine di personalitâts dal cine asiatic. Al centri de edizion di chest an e je une retrospetive titulade “La Asie e cjante!” formade di 19 films, che... continue
 12.04.2006 Intes elezions provinciâls di Udin conferme pal president in scjadince Marzio Strassoldo che, cul 57,77% des preferencis, al è stât sielzût dai citadins par vuidâ par altris cinc agns la Provincie di Udin. Il so sfidant principâl, Giancarlo Tonutti, candidât dal centri çampe, nol è invezit lât plui innà dal 36,93% dai vôts. Une vore plui lontans chei altris candidâts: Alessandra Battellino (Scelgo Donna) e à cjapât l’1,55% dal vôts; Giuliano Castenetto (Autonomia Friuli e Uniti al Centro) l’1,13%; Beppino Michele Fabris (Progetto Nord Est) il 0,97%; Sergio Tiepolo (Alternativa Sociale)... continue
 12.04.2006 Si varà di spietâ il secont turni des elezions par savê cui che al cjaparà la presidence de Provincie di Gurize. Cun di fat tal prin turni nissun dai candidâts in corse al à rivât a passâ il cincuante par cent dai vôts. Ai 23 e 24 di Avrîl i citadins dal Gurizan a varan di sielzi jenfri il candidât dal centri çampe Enrico Gherghetta che, tal prin turni al à cjapât il 48,27% des preferencis, e Leonardo Zappalà, poiât di Forza Italia e UDC, che al à vût il 24,87%... continue
 12.04.2006 Diviersis confermis e cualchi novitât par chel che al inten lis elezions comunâls in Friûl. A Pordenon al è stât confermât il sindic in scjadince, Sergio Bolzonello, che al à cjapât il 64,5% des preferencis. Un risultât pardabon grues se si pense che il candidât dal centri çampe al à cjapât cuasi doi tierçs dai vôts tun comun che, tes politichis, al à invezit votât in maniere massive pal centri diestre. Confermât ae vuide de sô aministrazion za tal prin turni ancje Gianfranco Pizzolitto, che si tornave a presentâ a Monfalcon... continue
 11.04.2006 Se a nivel talian, il vôt al à crevât juste in doi l’eletorât, a nivel regjonâl, invezit, i eletôrs i àn dât la maiorance ai partîts de Cjase des Libertâts. La afluence inte nestre regjon e je stade dal 84,47% pal Senât e dal 84,56% pe Cjamare. Se o cjalìn il dât provincie par provincie, la percentuâl di votants plui alte si le à vude a Gurize là che si à passât l’86% di votants.
A nivel regjonâl, al Senât, i partîts de CdL a àn cjapât il 54,85% dai... continue
 07.04.2006 Tes zornadis stadis, il Comitât 482 al à mandât ai candidâts che a corin pe presidence des Provinciis di Udin e di Gurize un apel par che si impegnin a meti in vore une schirie di iniziativis a pro des lenghis propriis e des identitâts dal Friûl. Intal document si proponin: azions diretis di politiche linguistiche intai cjamps di lôr competence; azions indiretis, adun cun altris aministrazions e cu lis associazions, par rivâ a di un ricognossiment plen dai dirits linguistics; e intervents par difindi e valorizâ il teritori e lis... continue
 04.04.2006 Di vuê une part dal “Trgovski Dom” di Gurize e je passade dal Stât ae Regjon. Chest palaç, che i da acet a uficis ministeriâi periferics, al jere patrimoni de comunitât slovene gurizane, ma al jere stât confiscât dai fassiscj tai agns ’20 e po no i jere stât tornât ai legjitims proprietaris nancje daspò de fin de ditature fassiste. La leç di tutele dai slovens e previôt che il palaç i torni ae comunitât slovene, ma fin cumò la situazion no si veve ancjemò sblocade. Chest prin trasferiment di proprietât... continue
03.04.2006 In ocasion de fieste dai 3 di Avrîl lis realtâts associativis furlanis, slovenis e gjermanichis che si dan dongje intal Comitât 482 a àn indreçât un apel ai candidâts che a corin pe presidence des Provinciis di Udin e di Gurize par che si impegnin denant de int a rispietâ i dirits linguistics dai citadins. Cgi disot o publichìn in integrâl il test inviât ai candidâts.
Jentrade
Intant des elezions dai 9 e 10 di Avrîl dal 2006 i citadins furlans a saran clamâts, tra lis altris, a rignuvî lis Aministrazions provinciâls di Gurize e di... continue
 31.03.2006 Ai 3 di Avrîl e cole la fieste de Patrie dal Friûl. Chest an a son une vore lis iniziativis par ricuardâ l’inovâl di chei 3 di Avrîl dal 1077 cuant l’imperadôr gjermanic Indrì IV i de in man al patriarcje di Aquilee Siart il podê temporâl sul Friûl, cu la nassite, de jure, dal stât patriarcjin furlan. Lis manifestazions plui impuartantis a son in program sabide e domenie, lis primis a comencin bielzà vuê.
Il Comun di Cormons e l’Istitût Ladin Furlan “Pre Checo Placerean” a metin adun la iniziative... continue
 27.03.2006 Si son sieradis vuê a trê tal daspomisdì lis operazions di vôt tai cuatri Comuns dal mandament di Puart clamâts a decidi par mieç dal vôt referendari sul lôr passaç de Regjon Venit al Friûl Vignesie Julie. Dome tun dai cuatri Comuns, ven a dî ta chel di Cint, i sì al passaç di Regjon a son stâts avonde. Ta chest Comun al è lât a votâ il 65,3% dai eletôrs e i sì a son stâts il 91,5%: duncje dai 2994 citadins cun dirit di vôt a àn dit di... continue
 24.03.2006 Si davuelzaran domenie e lunis i referendums consultîfs par distacâ de Regjon Venit i Comuns di Pramaiôr, Cint, Gruâr e Tei e tacâju ae Regjon Friûl VJ. I eletôrs clamâts a votâ a son in dut 11.587. Lis operazions di vôt si davuelzaran domenie ai 26 di Març di 8 di buinore a 10 di sere e lunis ai 27 di Març di 7 di buinore fin 3 tal daspomisdì. La propueste di passaç e sarà fate buine se il numar di sì al sarà plui alt de maiorance dai eletôrs.... continue
 19.03.2006 Il Guvier talian al à boçât inmò une volte la liste dai Comuns dal Friûl VJ, metude jù dal Comitât paritetic pai problemis de minorance slovene, dulà meti in vore la leç di tutele dai slovens. Il Guvier i domandarà al Comitât di mendâ la tabele cui 32 Comuns di meti dentri tal teritori di tutele, presentade za trê viaçs (tal Setembar dal 2003, tal Dicembar dal 2004 e tal Novembar dal 2005) e simpri boçade. Pal president dal Comitât paritetic, Rado Race, la liste e je stade fate daûr di... continue
 14.03.2006 Tai prossims mês, intal Gurizan, la segnaletiche stradâl di competence provinciâl e mudarà di plante fûr. Cun di fat, in graciis dai fonts de leç 482, si previôt di meti jù un miâr di cartei stradâi bilengâi par talian e furlan o par talian e sloven. La segnaletiche gnove e sarà metude ta chês zonis là che si fevele par furlane e par slovene, l’unic probleme al diven di chês zonis là che a son feveladis dutis e dôs lis lenghis, dal moment che no si pues doprâ cartei trilengâi. Cheste... continue
 08.03.2006 Cundut dal presidi lât indenant fintremai 8 di sere passadis, e je tacade îr la ativitât dal Centri di Permanence Temporanie di Gardiscje dal Lusinç. Il prin imigrât al è stât menât intal Centri vie pal daspomisdì, la notizie e je stade confermade prime in forme uficiose di bande dal segretari provinciâl dal SAP (Sindacât Autonom di Polizie) e po in maniere uficiâl de prefeture di Gurize. Altris imigrâts a varessin di rivâ ta chestis zornadis. Al presidi a vevin partecipât rapresentants di moviments antiraziscj e libertaris, partîts, associazions pacifistis e... continue
 02.03.2006 Nuie ratifiche aromai, par cheste legjislature, pe Cjarte europeane des lenghis regjonâls o minoritariis. La Cjarte, par jentrâ in vore intun stât, e à bisugne di jessi sei firmade, che ratificade. Il stât talian fin cumò le à dome firmade. La mancjade ratifiche e je une des motivazions dopradis fin cumò par dineâi aes lenghis minorizadis feveladis intal stât talian – furlan comprendût – une presince significative inte programazion radiotelevisive publiche come domandât de leç di tutele 482 dal 1999. La ratifiche de Cjarte, fate buine de Cjamare, e je restade... continue
 28.02.2006 Incidents vuê di buinore denant dal Centri di Permanence Temporanie di Gardiscje dal Lusinç tra i fantats dal presidi che al proteste cuintri de vierzidure de struture e lis fuarcis di polizie. I incidents a son tacâts cuant che intal CPT a àn cirût di jentrâ i dipendents de Cooperative “Minerva” che e à di gjestî i servizis de struture. I manifestants a jerin daûr a dâ fûr volantins cuintri dal CPT e cuant che a àn cirût di blocâ la jentrade a son stâts cjariâts. Intai incidents a son restâts... continue
 27.02.2006 Ancje il Comitât 482, che al met adun passe une trentine di realtâts furlanis, slovenis e gjermanichis ativis tal cjamp de difese dai dirits linguistics, al à fat un intervent in ocasion de "Zornade Furlande dai Dirits". Chi disot si da spazi al comunicât inviât dal Comitât:
"Ai 27 di Fevrâr al cole l’inovâl di une date une vore impuartante inte storie furlane, ancje se dispès si dismenteisi di jê. Cun di fat, tal 1511, la Joibe Grasse e colave juste ai 27 di Fevrâr. Ta chê zornade, te suaze... continue
 Ai 27 di Fevrâr al cole l’inovâl dal riviel de Joibe Grasse dal 1511. Cuasi cinccent agns indaûr, ta chê zornade, si invie la rivolte plui gruesse inte storie dal Friûl. Organizâts in bandis di vuerilie, i contadins a cjapin e a brusin i cjistiei e i palaçs dai nobii ator par dut il Friûl. No pipinots tes mans di zûcs politics decidûts inaltrò, come cualchidun ju à piturâts, ma oms seneôs di libertât, pronts a scombati par difindi i lôr dirits. Par chest o crodìn che chê dai 27 di Fevrâr... continue
 15.02.2006 La Zonte provinciâl di Vignesie e à dât il vie libare par che il Consei al puedi discuti e aprovâ il ricognossiment de minorance linguistiche furlane intal Mandament di Puart, e in particolâr tai Comuns di Cint, Concuardie, Fossalte, Gruâr, Puart, Sant Michêl e Tei. Il president de Provincie, Davide Zoggia, al à dite che, par mieç di chest ricognossiment, si va a dâi rispueste ae domande dal Comun di Sant Michêl par che a sedin metudis in vore misuris di tutele a pro de lenghe furlane. Zoggia al à dite... continue
 13.02.2006 Il Centri Espressions Cinematografichis di Udin al à dât fûr il bant pe seste edizion dal “Concors par Tescj Cinematografics in Lenghe Furlane”. Il concors al à cuatri sezions: une pes senegjaturis (cuntun premi di 1.500 euros); un pai sogjets cinematografics; un pai articui di critiche; e un par saçs sul cine (ducj e trê cuntun prin premi di 300 euros). I lavôrs a àn di jessi scrits par furlan e in grafie uficiâl, e a àn di rivâ alì de sede dal CEC dentri dai 2 di Otubar. I... continue
 08.02.2006 La aministrazion regjonâl e à presentât un espost ae Procure de Republiche e ae Cort dai Conts cuintri di Trenitalia cu la ipotesi di reât di interuzion di servizi public. La gnove le à comunicade l’assessôr regjonâl pai traspuarts Lodovico Sonego. La decision – al à spiegât Sonego – e nas dal fat che, par amission de stesse societât feroviarie, tra la metât di Dicembar e la metât di Zenâr, a son stâts gjavâts plui di un centenâr di trens dal servizi regjonâl.... continue
 06.02.2006 A son stadis consegnadis vuê al president dal Consei regjonâl, Alessandro Tesini, dîs mil firmis cuintri des vierziduris di domenie des buteghis. La plui part des firmis e je stade cjapade sù framieç dai operadôrs dal cumierç, che a son 54 mil in Friûl VJ. A presentâ la petizion a son stâts i rapresentants sindacâi di categorie, che a àn spiegât che il test de gnove leç sul cumierç al va ben, fûr che pe cuestion des vierziduris di domenie. Di fat, i lavoradôrs dal setôr, ma ancje tancj citadins, a... continue
 01.02.2006 “O declari vierte la 174esime sentade dal Consei regjonâl dal Friûl Vignesie Julie”. Cun chestis peraulis par furlan dal president de Assemblee, Alessandro Tesini, si è vierzude vuê di buinore la prime sentade dal Consei regjonâl dal 2006. Di fat, cun vuê i conseîrs regjonâi a puedin doprâ tai lôr intervents in aule ancje lis lenghis propriis dal nestri teritori, o sei furlan, sloven e todesc (par cheste ultime lenghe, il servizi al sarà inviât plui indenant). Propit vuê al è jentrât in vore il servizi di traduzion simultanie che i... continue
 01.02.2006 Une petizion sotscrite di passe 4 mil citadins là che si domande un Teatri stabil furlan e je stade consegnade îr al president dal Consei regjonâl Alessandro Tesini. La domande, dongje des firmis dai citadins, e à cjatât la poie dai presidents des trê Provinciis furlanis, dal retôr de Universitât di Udin, di diviersis associazions, realtâts o personalitâts furlanis. Il Teatri stabil – al à spiegât Giuseppe Agostinis, prin promotôr de iniziative – al varà di jessi autonom, al podarà jessi logât tun dai trê cjâfs lûc di Provincie furlans, e... continue
 27.01.2006 Cu la scuse de libare sielte dai citadins no si pues gjavâi la responsabilitât dai sogjets publics intal programâ e intal dâ fûr i servizis sociosanitaris, di fat, limitâ la funzion publiche ae programazion e ae regjie al larès a fâ dams al dirit di ducj i citadins ae salût e aes capacitâts di control de spese. Al è il messaç che al rive des segretariis regjonâls di CGIL, CISL e UIL che si preparin al confront cu la Regjon su la propueste di leç di riforme dal stât sociâl. I... continue
 24.01.2006 Al è stât presentât vuê di buinore a Udin il sît dal AMMER, Archivi Multimediâl de Memorie de Emigrazion Regjonâl. Si trate di un archivi digjitâl che al met adun fotografiis, documents e intervistis sui emigrants e su la emigrazion dal Friûl Vignesie Julie. La iniziative e je stade metude adun de Regjon e, in particolâr, dal SILCE (Servizi Identitâts linguistichis, culturâls e coregjonâi tal forest) cul jutori dal Centri regjonâl di catalogazion e restaur dai bens culturâi di Vile Manin. AMMER al partìs cun cualchi miâr di fotografiis e un... continue
 23.01.2006 Al è muart vuê, intal ospedâl di Sant Denêl, Amedeo Giacomini, un dai plui impuartants poetis furlans dal Nûfcent. Nassût a Vildivar tal 1939, dongje de ativitât poetiche in lenghe furlane e taliane, si è ocupât ancje di narative, di traduzion e di filologjie. Lis sôs oparis a son stadis voltadis ancje par castilian, danês, francês, inglês, sloven e todesc; pe sô ativitât leterarie al à vinçût diviers premis tant che Rapallo, Cervia, Lanciano, Sant Simon, Montefeltro, Risit d’aur e Nonino. Tra lis sôs oparis “Tiare pesante”, “Sfueis”, “Lune e sclesis”,... continue
 19.01.2006 Par vie dal superament par trê dîs di file dai nivei di Pm10, i cussì clamâts polvars lizêrs, il Comun di Udin al à decidût di limitâ vinars ai 20 di Zenârs il trafic di 9 di buinore a 6 sot sere dentri de cercle dai viâi che a formin la prime circonvalazion citadine. I mieçs no catalitics no podaran circolâ, chei catalitics invezit a podaran zirâ dome se a àn la targhe cul ultin numar pâr. E je previodude ancje la riduzion di 14 a 10 oris dal riscjaldament tai... continue
 18.01.2006 Pal moment nol è stât formalizât nissun progjet par fâ sù un eletrodot jenfri Okroglo e Udin: par cheste reson la Regjon no je in stât di dâ nissun parê in proposit e nancje di clamâ dongje i ents locâi par frontâ la cuestion. A dîlu al è stât l’assessôr regjonâl Lodovico Sonego intant di un incuintri, a Stregne, cui sindics de comunitât montane Tor – Nadison – Cuei. Fin a vuê la Regjon si è limitade a cjapâ at che il GRTN al pense a trê percors pussibii dulà fâ... continue
 17.01.2006 Al cres il nivel dal scuintri te vertence pal rignuviment dal contrat dai metalmecanics. A front de mancjance di novitâts positivis di bande di Federmecaniche, i lavoradôrs a van indenant cu lis manifestazions di proteste e Fim, Fiom e Uilm a àn proclamât 8 oris di siopar di fâ dentri di vinars. Par chel che al inten la Alte furlane lis primis 4 oris di siopar si davuelzaran doman, chês altris 4 a son invezit in program par vinars cuant che si varà ancje un bloc dongje dal casel autostradâl di... continue
 13.01.2006 Cjartis di identitât bilengâls pai citadins che a partegnin ae comunitât slovene che e vîf in comun di Gurize. Ta chestis zornadis i uficis comunâi a àn tacât a dâ fûr i documents scrits par talian e par sloven a chei citadins che indi fasin domande. Cheste pussibilitât e jere za a disposizion dai citadins dai comuns cjarsulins de provincie di Triest, ma rispiet a chei documents – e à spiegât la assessore pai rapuarts cu lis minorancis, Mara Černič – lis cjartis di identitât prontadis dal Comun di Gurize no... continue
 13.01.2006 La cuestion des cassis di espansion sul Tiliment e je stade al centri îr di doi apontaments. A Udin si à vût une riunion dal Grup di vore su lis cassis di espansion cu la presince dai rapresentants de Regjon, dai ents locâi, dai comitâts popolârs, des associazions ambientalistis e agriculis, de Autoritât di bacin e de prefeture. Tal daspomisdì invezit si à vût un incuintri a Spilimberc là che a jerin l’assessôr regjonâl Gianfranco Moretton, il diretôr dal ministeri pal ambient Mauro Luciani, il senatôr Giovanni Collino, il president de... continue
 12.01.2006 La Burgo e à presentât il so progjet di eletrodot al guvier talian. La propueste e proviôt il stes percors Würmlach – Somplât fat indenant dai grups Pittini e Fantoni, cu la difarence che cheste linie e passarès sot tiere dilunc dal oleodot Triest – Ingolstadt. Tal progjet a son dentri ancje lis variantis par no tocjâ lis vilis di Cleulis, Sudri, Darte, Zui e Betanie. La linie, di 300 megawatt di potence, e rivarès prime tune stazion di Tumieç par sierâsi po ta chê di Somplât.... continue
 10.01.2006 Cun vuê Radio Onde Furlane si pues scoltâle ancje in streaming. Baste clicâ sul boton di pueste che si cjate achì a man drete. Cumò duncje al è pussibil scoltânus ancje là che il segnâl dal nestri ripetidôr nol rive. Par scoltânus o podês doprâ winamp (http://www.winamp.com/) o Itunes (http://www.apple.com/itunes/). Miôr se o vês une linie ADSL. Si trate di un esperiment par viodi cemût che e va e cuale che e sarà la rispueste de int. Pal moment duncje il numar di personis che a puedin colegâsi intal stes moment... continue
 09.01.2006 Al è stât sotscrit vuê il protocol di intese che al regole i rapuarts jenfri il Servizi sanitari regjonâl e la Universitât di Udin e che al puartarà, ca di cualchi mês, a meti sù la Aziende ospedaliere universitarie di Udin. Il document al è stât firmât dal president de Regjon, Riccardo Illy, e dal retôr de Universitât furlane, Furio Honsell. Si metin cussì lis fondis pe fusion tra l’ospedâl “Sante Marie de Misericordie” e il Policlinic universitari che e puartarà a di une aziende cun passe 3.800 dipendents in stât... continue
 04.01.2006 Legambiente dal Friûl Vignesie Julie e à presentât un libri blanc dulà che a son presentadis lis emergjencis plui gruessis sul plan ambientâl e là che si critiche cun fuarce la linie puartade indenant de Regjon ta chest cantin. Dentri si cjatin cuestions tant che lis cassis di espansion sul Tiliment – une partide che, a disin chei de associazion ambientaliste, e reste inmò dute vierte – o la linie a alte velocitât dal Coredôr 5, là che si cjatisi cul progjet di tornâ a fâ, o i eletrodots, in primis... continue
30.12.2005 L’assessôr regjonâl Roberto Antonaz al à presentât in Zonte lis liniis di indreçament par meti jù il disen di leç pe tutele de comunitât slovene dal Friûl VJ. La iniziative – al à spiegât Antonaz – e jentre tra i ponts dal program par cheste legjislature, ma e vûl ancje rispuindi ai oblics di tutele che a divegnin de Costituzion e dal Statût regjonâl, e marcâ i motîfs de specialitât regjonâl. Si partìs, di fat, dal ricognossiment e de tutele de comunitât slovene tant che part dal patrimoni storic, culturâl e... continue  30.12.2005 La Zonte regjonâl, inte ultime sentade dal an, e à decidût di fâ bon un at di indreçament là che si marche il so impegn a pro des oparis leadis ae linie a alte velocitât Vignesie – Roncjis Sud – Triest – Divaca e là che si invide il guvier talian a sveltî la progjetazion de trate Vignesie – Roncjis Sud, a firmâ il prime pussibil il tratât cu la Slovenie par fâ sù e gjestî la trate transfrontaliere, e a inviâ dutis lis azions pussibilis par finanziâ la trate Roncjis... continue
 29.12.2005 Sì al eletrodot, ma dome se la linie e passe sot tiere e se la sô gjestion e je ancje in man a une societât publiche. Al è chest il messaç che al rive dal incuintri inmaneât îr di sere a Darte dal Comitât pe provincie de Cjargne, dulà che, adun cui rapresentants dai comitâts locâi, al jere ancje il parlamentâr Ferruccio Saro che al à dit di jessi dacuardi cu la idee, zontant che te gjestion de linie a podaressin partecipâ ancje societâts tant che Friulia e Amga. I vantaçs... continue
|
|
Informazione
Friulana soc.coop / Radio Onde Furlane